Tella-d, ddurt yezrin, yiwet n temlilt i d-iheyya usqamu aɣerfan n Tizi Wezzu ɣef wid ineqqen iman-sen Timlilt-a ideg ttekkan ddeqs n yimusnawen deg yeḥricen yemxallafen d tdukliwin tidelsanin .wigi akk win-d awal s telqay ɣef temsalt-a i iceɣben lɛamma imi terza amqran d umeẓyan. Ibana-d belli azal n tlata n yemdanen ttɛaraḍen, yal ass, ad rren lḥed i tudert-n, di tmurt n Lezzayer. Ɣas akken imusnawen deg weḥric n temetti d tnefsit ɛerḍen ad afen sebbat n waya, maca mačči d ayen i isehlen imi leḥsabat d wid yessewhamen. D ayen i d-yenna mas Mizab, d amusnaw deg tnefsit, i d-iwekden belli tamsalt-a d tin iceɣben ddunit merra imi ɛlla ḥsab n leqdic unadi i d-yellan deg useggas n 2006, azal n 32 n yemdanen i iɛerḍen ad neɣen iman-nsen deg wass, di tmurt n Fransa, deg lawan anda 80 n yemdanen ttɛraḍen ad nɣen iman-nsen, deg tmurt n Marikan. Ama akken i d-qqaren leḥsabat yal 40 n “secondes” yiwen wemdan yettɛaraḍ ad ineɣ iman-is deg ddunit, s wakka timinɣit n iman d sebba tis snat n lmut mbaɛd laksidat n yiberdan i ineqqen 14.5% gar n 100 alef n yemdanen di ddunit.
D. I.