Mahfoud Boucebci d yiwen n umejay n laεqel (psychiatre) u daselmad n tsedawit, illul ass n 22 numember aseggas n 1937 di Melyana, laṣel-is d leqbayel. D yiwen n umesnaw yelḥan aṭas di tusna, imi yexdem deqs n yinadiyen yemgaraden γef tezmart n wemdan xarṣum deg ayen icuden γer laεqel, akken i yura di deqs n yeγmisen u yessufeγ-d idlisen.
Amecwar n tusna-s γezzif, imi yella d yiwen n uεeggal n l’UNICEF, u yella ger imezwura i d-yesllulen tidduklaTazzayrit n yizerfan n wemdan (la ligue Algérienne des droits de l’homme) deg seggas n 1985, akken i yella d imḍebar deq aṭas n tudsiwin tiγelnawin, tifriqiyin d tegreγlanin, d yiwen yettnaγen γef tugdut d tlelli n wemdan,izarfan n tmeṭṭut d yimaεder d waṭa niḍen.
Dγa imṭurfa n ddin, irebraben iγeddaren s wezlen-as laεmer ass n 15 yulyu 1993. Akka wḍen 20 n yiseggasen γef ass-mi tenγan, maca γas yemut mazal yedder s wayen id-yeğğa.
Islam Bessaci