A ziγen lγaεa ur teddewwir ara ! Akka i tt-id-ibeggen yiwen Usuεudi deg yiwen usarag i yexdem di …tesdawit n Suεudiya. Yenna-asen : ‘’lukan lqaεa teddewir, tili mi ara tafeg tmesrifegt si sya alamma d tamaurt n Ccinwa, ad teḥbes deg yigenni dγa tamurt-nni ad d-taweḍ γer ddaw n tmesrifgit-nni.Aya, ma yella teddewir γef uyeffus. Ma yella teddewir γef uẓelmaḍ, ur tettaweḍ ara tmesrifegt γer umekkan axater timesrifegt tleḥḥu, tamurt-nni tleḥḥu. ’’ Ma γef wid-nni yewḍen aggur, yenna-asen ulac deg-s, d tikellax, tagi s sinima n Hollywood.
‘’ Ad teẓreḍ i ixeddem usexser mi ara yaγ amekkan di tmussni’’ i as-yenna umedyaz. Yiwen am wagi tura ad ak-d-yemmel amek ara tedduḍ di ddunit-ik. Yenwa meskin imi as-ḥebsen allaγ-is ur yettxemmim ara ula d lqaεa teḥbes. Wissen kan amek i d-yettili ṭṭlam akked tafat, εlaḥsab-is ? Yezmer ad d-yini, mi ara d-yeγli ṭṭlam, d lqaεa i yersan nniqab. Mi ara tekcem s axxam lqaεa, ad t-tekkes, dγa ad d-tban tafat. Yaxi qqaren-d γef yicciwen n uzger i tbedd lqaεa ! Aḥlil…
Hocine.M