lwilaya n Sṭif d tin id d-ijebbden tamuɣli n waṭas iḥewwasen i d-yettassen si tmura n l’Urup neɣ si lwilayat-nniḍen n tmurt n Lezzayer, aṭas deg-sen ttalin-d di sseḥra acku lwilaya-agi d tin yettejmaɛen taṣmuḍi deg iɣamacen n wezɣal. Deg tallit-agi unebdu ad tafeḍ Sṭif taɛweq anda ara terr akk imdanen id tt-id-itteqsaden akken ad sɛeddin ussan-nsen imuras ( vacances) . Tizenqatin, ifergan, isensuyen ( les hôtels), leqhawi ad ten t-afeḍ ččuren d lɣaci.
Akka tura win d-yudren Sṭif ad d-yader ɛiyn lfwwara. Zzik tella d tala, tebna, acku lebni-is ur ifuq-ara. Aman-is d iḥmayanen, ttakken-d iraggen deg cetwa, ma deg unebdu ad ten-t-afeḍ d isemmaḍen. Deg 4 yunyu 1894, imḍebren n tɣiwant (la commune) sqardcen tamsalt n tala-agi qrib ad yeɣlin.
Dɣa d lmir s timmad-is, Aubry, i d-yefkan rray n uɛawed n lebni n tala. Aneggaru-agi yeṭṭef di rray-is. Mi yerza ɣer Lpari, deg useggas n 1886, yeqsed anemhal n tzuri akken ad as-isenɛet amek yebɣ ad yerr tala n Sṭif. Akken sin iseggasen, Aubry yeṭṭef-ed tabratt anda s d-yenna unemhal-agi n tzuri d akken leqdic-nni yebɣa dayen ikkemmel-it.
Lmir yewweḍ ɣer lebɣ-is, tala ɛawden-as lebni, ayerna sbedden fell-as yiwet n (la statue), d tameṭṭut d taɛeryant tbedd ɣef yiwen wezru. Tala d timdewwert. Tesɛa krad ( rebɛa) n icercuren, aman d-yettmirin seg-sen d icebḥanen, ttazzalen am nebdu am cetwa. LLan daɣen krad n isekla d iɛlayanen, ruḥen deg igenni, zzin as-d am umeqyas i tala, rnan-as-d aṭas n ccbaḥa i temnaṭ-agi . D wid daɣen is-d-yettarran tili i tama-agi deg unebdu. Abeḥri d-ttaken, d aṣemmaḍ, ikeccem qbala ɣer wul. Di ccetwa, iferrawen isekl-agi ɣellin-d, ttaǧǧan-as-d i yiṭij abrid akken ad tt-iɛeddi. Ssin neɣ tlata n ifuṭugrafen zgan wejden i lmen-d n wid yebyan ad awin yidsen asmekti n tala n lfewwara. Tala-agi yezgan taɛmer d lɣaci, deg unebdu, di ccetwa, deg tefsewt neɣ deg iweǧǧiben, qqaren fell-as d akken win yeswan aman-is, ad yezzi tikkelt nniḍen ɣer Sṭif.
Tiziri Zinya