Weεli: (I txemrit) aqel-i yid-m d tidet i d tenniḍ ddunit s war ixeddim tettirẓig
Taxemrit: d yi-d-i?!
Weεli: akken iwata
Tuzyint: yid-s deg ugres, d wexmat, d unegri d tugdi!
Weεli: yid-s anida ara tili, teεğeb-iyi tmuɣli-s, ula d nettat teεğeb-iyi
Tuzyint: teεğeb-ak! Aya d ayen nniden!
Weεli: (yemmuqel ar tegnawt s usetḥi) nekk
Taxemrit: tanemmirt tameqrant ɣef ibeddi i d tbeddeḍ ar tama-w
Tuzyint: d yid-m, maca ur iwala-ara d acu i tebɣiḍ
Weεli: wala&gamma,; ayen i d tenna akk ḥusseɣ-as
Tuzyint: steqsi-tt ihi d acu i d tifrat: bɣan ad nerreẓ akk timacinin-a d wumrisen-a, ad ner imdanen ad idiren s tfuccal iɣallen-nnsen akken llan yakan di leqrun yezrin?
Taxemrit: acuɣer ala! ma yella d s waya ara afen iman-nnsen
Ʃli: ala, suref-iyi kan, d awal ur nlaq ara ad yili, amek tebɣiḍ ad terzem timacinin, ad tesdermem tanaflit? Xaṭi, xaṭi d ayi mgaradeɣ yid-m, lammer ad twaliḍ akken yessewḥac yezri, mačči akka ara d iniḍ
Tuzyint: ihi kečč yid-i?
Ʃli: yid-m, di tmuγli-m tanfalit d tanfalit
Tuzyint: akken yebγu yili naɣ ala?
Ʃli: ih, ulac ayen yunzen tuẓin ar zdtat, ar wesnulfu n tɣawsiwin timaynutin, allaγ n wemdan yessefk ad yaki, ad yelḥu ɣar zdat, ar umaynut
Tuzyint: tmuɣli-k tehwa-iyi aṭas!
Ʃli: ula d kem
Tuzyint: d acu?
Ʃli: tehwiḍ-iyi
Tuzyint: tamuɣli-w!
Ʃli: ula d ayen nniḍen
Tuzyint: d acu?
Ʃli: kra yellan deg-m
Tuzyint : tqesdeḍ imi-w, tiṭ-iw, amzur-iw…. ??!
Ʃli: amedya
Tuzyint: sell, ihi ma tebɣiḍ tura akka tzemreḍ ad-iyi ytssudneḍ
Ʃli: xaṭi…suref-iyi kan, tikelt i tettεedday ɣaf uccen
Tuzyint: (teḍsa-d) ur tugad ! tebɣiḍ d nekk ar d yebdun ? anida-tt tissas inek? Mačči n ukabar-iw?
Ʃli: ih nekk ukabar-im, akabar n unerni, tura ad naẓeɣ, i yebɣun yili-d
Yuẓa-d γur-s ar yiwet n teɣmert yessuden-itt yeqqim yettmeslay d yid-s
Weεli: (I txemrit) d acu i tenniḍ deg ayen akka nettwali?
Taxemrit: I kečč?
Weεli: nekk mačči akkihin akk
Taxemrit: ula d nekk
Weεli: ur tebɣiḍ ara akihin
Taxemrit: tissas am tihida t-ttekkes i uḥulfu (sentiment) azal-is neɣ mačči akka?
Weεli: d ayen yellan
Taxemrit: ayihin ɣursen d asgzem n webrid….maca acimi i yekkaten ad yili usegzem ula deg waya?
Weεli: ih! ɣas akken ulac abrid am wa di ddunit
Taxemrit: d ayen yellan, d ayemmi aḥulfu-nnsen aḥeqqani ar zzin ulac-it, ɣaf aya i d teffγen inaẓuren, d imedyazen deg kabar-nsen
Weεli: deg ukabar-nnwen taẓuri, d zzin…
Taxemrit: tugett
Weεli: ɣar-sen akken kra, tuggett deg-sen d ijenyuren aṭas uxemmem cwiṭ n uḥulfu
Weεli: ah d ayemmi ameddakel-iw imal ɣur-s, acku netta d ajenyur, ma nekk d amejjay, ur lliɣ ara d anaẓur, maca timsal-a n uḥulfu tella-iyi deg allaɣ, tayri tezmer ad iyi tneɣ akken ara ad iyi d tessider, ɣaf udem-is zemreɣ ad xedmeɣ kra yellan
Taxemrit: (temmuqel-it) ihi kečč deg wid yumnen tayri?!
Weεli: d acu n liman, ḥemmelγ alami i ṣṣawḍeɣ ar tismin d lemɣel, d ttar…tagnitt teṣfeḍ kra yellan, ihi! iman-iw i bubbeɣ tayri s uẓeğğg-is d yisannen-is alammi i d tagara
Taxemrit: ula d nekkni ɣaf tayri d liman i nesneγmis (militer)
Weεli: yella win i ken-id igeḍlen (opposer)?
Taxemrit: akabar-nni nniḍen, isemma-asent tisigar n yezri, erẓan-as azal i tayri, kra yellan rrant d turart, d tmesxir, imadanen tetten d turaren, gganen, ttidiren war tasmasit (résponsabilité) am arrac, ssedhayenten s wuraren imaynuten: am timsiszla gar yimtiwegen (planete) yudafen, tkurin n tallunt kkatentet gar lqaεa d wagur, ma yella tuddreḍ-d amahil ad ak semmin amcum, ur sbγasen ara tayri taḥeqqanit yettawin ar wercal, acku arcal d yixeddim yiwen wugur-nnsen
Weεli: amek? Ulac arcal?
Taxemrit: xaṭi d a akken ad trecleḍ, yessefk ad walin acḥal n siru ara d yefk i umaḍal ….da arcel mačči i tayri, acku arcal iḍerru-d fiḥel ma tḥemleḍ
Weεli: arcal i Usfares kan?
Taxemrit: s ccerṭ….yerna yewwi-d ad zegren i 5 di 100, kra n yimassanen ttzeggiden nnig waya acku tigrawliwin, aṭṭanen ulac qqaren-d: amaḍal ur imasri ara i waṭas n yemdanen
Weεli: I wannuten nniḍen? Ur tesseεrḍem ara ad tzedɣem deg-sen?
Taxemrit: Agur? Ulac win yebɣan ad yezdeɣ din, ttruḥun kan ad ḥewsen, naɣ ad muqlen lqaεa, ma d anida nniḍen ar tura ur d zzin ara wid yettwaznen ahat wissen melmi ara d uɣalen ma yella ur asent-ḍerru ara akka am kunwi, ma d ayen i d yudafen nnan-d imazzanen ur tufiḍ i wayen imi weqmen ala i isallen n tussna
Weεli: imi amdan yufa kra yebγa i wacu ara inadi ɣaf anida nniḍen, maca acimi ur qeblen ara tarrawt?
Taxemrit: i wacu ar tili tlalit s kud amaḍal ur yuḥwağ ara imdanen! Akka i d qqaren
Weεli: ɣas amaḍal ur imasri i tayri-nneγ d iḥulan-nneɣ….maca yewwi-d ad yili
Taxemrit: daya ur yessaweḍ ara ad t-yefhem ukabar-nni
Weεli: tura i tt-id tenniḍ, amdan i teddu ar txettart, nekkni deg-sent i d nekka, ih asmi I nella deg umtiweg-nni amcum, ur tufiḍ d acu i nuḥwağ, neḥulfa s yiman-nneɣ nuγal d ayen nniḍen
Taxemrit: iyyan ad twaliḍ s timmad-ik amek i yuɣalen, ad as t-iniḍ d timacini, teddun s war lewhi d war iswi
Weεli: twalaḍ anida i ken-ṣṣawḍent tmacinin i d snulfam!
Taxemrit: ayen yessewhamen, timacinin-a ad as t-iniḍ d imdanen, d nutni i yesslḥayen kra yellan, alammi i d-nufa iman-nneɣ nugar ulac d acu ara nexdem, naɣ bitt uli i wacu-yaγ.
Weεli: tawat d lmestufat i d tattawi
Taxemrit: d acu i tenniḍ, ad nekker ma yella kra ad nbeddel!
Weεli: d tidet, ma yella neqqim akka kra ur d ittɣim di tnalsawit-nneγ
Taxemrit: ih! ihi ilaq ad neg kra
Weεli: d acu i kenyeğğan ur d kkirem ara?
Taxemrit: acḥal d tikelt i nesseεreḍ, maca ur nessaweḍ ara
Weεli: ur tessawḍem ara?!
Taxemrit: yal abrid ara nheggi iman-nneɣ, ttfiqin-aɣ s wamrasen-nnsen (apareil)
Tuzyint: (ad taẓ) tanekkriwin-nnwen mefḍuḥit, yerna ur tufiḍ ara awen-d awint
Taxemrit: tesnuṣṣuteḍ-aɣ-d?!
Tuzyint: d taḍatt-im i yulin wamma nekk ur stufaɣ ara i wesnuṣṣat
Taxemrit: d amras-nni i telliḍ akken ad tesleḍ!
Tazyint: ad snuṣṣteɣ?! D tiyi i ttimental (causes) id tettafem, twalaḍ ad am d εelmeɣ! Akka d asawen ad teḥsuḍ ula d nekk d taɣermant (citoyenne) am kem, acuɣer akka tezgam tettxemmim s tkuccaḍ? Ma newweḍ ar udabu, yak dimdanen i d aɣ ifernen?! acku umnen s wayen i d neqqar, ma yella kra ur awen-d yezgin ara, ahaw deg teffranin i d teddun beddet-d, s yin ad nwali aniwa ara tt-yawin gar-aneγ
Taxemrit: imdanen…mazal kan ur faqen ara i tidet-nwen
Tuzyint: ur nemsri, i ukellex d uγurru, tabratt-newen tban am yiṭij: d tuɣalin ar deffir
Ʃli: (deffir tuzyint) tura hah i d tenniḍ ilaq kra ad tmacint yellan ad tt-nerrez
Weεli: mačči d aya i d lmeqsud-is, iswi-is d assemneε n talsawit di twaɣit! d aya i tebɣa ad tini.
Tuzyint: Tawaɣit! Tawaγit! Sell: d azref-ik ad tetḥemleḍ, d azref-ik ad tikkiḍ fella-s, d ayen ibanen ttḥemleḍ-tt, maca ur ak d yewwi ara ad teɣliḍ di turart-nnsen, tinekkriwin, (ILIGITIM) berra n iṣuḍaf
Weεli: mačči d tikin, d aman i umneɣ
Tuzyint: s awcu i tumneḍ?
Weεli: s wyen akka i d teqqar nettat, amdan yewwi-d ad yeqqim d amdan, yessefk ad yesseḥbiber ɣaf talsawit-is ur yettuɣal ara d ayen nniḍen
Tuzyint: nekkni tamuɣli-nneɣ, yal tallit tamaynut s wemdan amaynut
Ʃli: akka a yal tallit s yemdanen-is
Weεli: (I umeddakel-is) wehmeɣ deg-k, ur teččεifeḍ ara, d rus i yeḍrna yid-naɣ deg deg ubluγ-nni amcum?!
Ʃli: yehwa ak kan atwehmeḍ, assen i nella deg ubluɣ-nni amcum tezgiḍ tettidireḍ deg yezri, tettalseḍ i tufẓa n wayen yezrin, tettidireḍ s waktayen-ik, wama nekk d ayen twalaḍ ur zmireɣ ara ad idireɣ s war immal, d umaynut
Weεli: I dinna ur neddir ilem n talsawit?!
Ʃli: nella nettidir, tagersi n wallaɣ, d ibeddi n wakkud, maca da allaɣ yatmahal
Taxemrit: aniwa allaɣ?!
Akli Outamazirt