“Amudid d Temsekla” neɣ “Relais et Solidarité” d tidukla tamazdayt talsawit i d-ilulen deg At Yanni azal n setta iseggasen tura. Tettɛawan wid yenṭeren d twaculin ixuṣen. Seg wass mi d-tlul tella-d i lmendad n wid-s deg ugar n teswiɛin n lḥers. Tɛawen tiwaculin yulwan deg twaɣit n udeffel-nni iɛeddan. Tettili daɣen s idis n imuḍan ur nettaf ara dwa nsen di Lezzayer. D netni i s-t-id-yettaɣen si berra n tmurt. Mi ara d-taweḍ tallit n unekcum ar uɣerbaz, ttbeddayen i yigujilin d imawlan umi ur teǧhid ara texṛiṭ. Ttallen-ten s yedrimen d dduzan ilaqen i uɣerbaz. Deg waggur agi ṛemḍan, atan yevrad iḍ n lḥenni i igerdan iḍehṛen ass-nni n 26 yulyu. Tameɣra agi ccebḥent-id aṭas n yicennayen ass n loemɛa iɛedden. Ass n ttlata agi d-iteddun, azal n meyya d aḍellaɛ n tgella ara tefreq i wakken ad tessifses taɛkemt ɣef kra n twaculin deg waggur agi n ṛemḍan. Xas ass-a yal yiwen yettḥebbiṛ kan i uqerru-s, “Amudid d Temsekla” ttarran-d asirem i wid ur nesɛi ara tazmert d wid i ɣef ttɛeddint tegnatin n lḥeṛs.
Urak Lameyya