Imezdaɣ n taddert n Tliwat i d-yezgan deg tɣiwant n Leqser, i ibaɛden azal n 30 yikilumitren ɣef wunẓul n lwilaya n Tubiret. Ɣelqen taɣiwant-nsen tasebḥit n letnayen i iɛeddan, ɛlaḥsab issalen i aɣ-d-yewḍen d akken ssebba n wanect-a yuttuɣal ɣer wuguren i ttidiren acḥal d aseggas, seg-sen ugur n ubrid i yettawin ɣer taddert-nsen i ibaɛden s wazal n 07 ikilumitren ɣef tɣiwant n Leqser, acku ttwalin d akken idrimen i d-hegga tiɣiwant iwakken ad t-reqqeɛ ur ttqiddin ara. Seg tama-nniḍen, ad naf daɣen ; tidukkliwin tinadalin n tɣiwant-a ula d nutenti sekrent ccwal muqqren, ladɣa mi caɛlent times i wammas n waddal (complexe sportif) anda i d-yegla s wurɣu n kra dduwzan imi uɣalen gren-d iman-nsen srabes n usellek (la protectin civile) sensen times, acku ttwalin d akken ttwaḥqren ulac win ara aten-id-iɛawnen. Ihi, tidyanin-a llant-d deg lawan ideg yerza usqamu n lwilaya n Tubiret ɣer tɣiwant n leqser, ɣef uqerruy-is lwali n lwilaya, anda ula d netta rfan fell-as yerna reǧmen-t-id almi i d-skecmen iman-sen iɣallen n laman selken-t, acu kan anect-a ; yegla-d s truẓi n lmeryat n kra n tkeryas. Syin akkin, iɣallen n laman waɛden imezdaɣ-a d akken ad siwḍen isuturen-nsen ɣer yimḍebren.
Bousbaine Samir.