Tawacult n tmedyazt taqbaylit iṣuḍ-itt-id waḍu d asemmaḍ, sin n ledwar-aya. Tamettant n Fatma Tilikète tegla-d s leḥzen d ameqṛan. I wid ur tt-nessin, Fatma Tilikète, d yiwet ger tlawin i ysarḥen i yiles-nsen-t ad d-yini ayen ttwalin-t, ttidiren-t d wayen i wumi ttḥulfuyen-t. Fatma ur tebbi ara abrid-nni bbin-t waṭas n tlawin n leqbayel. Tegger-ed nnehta s wurfan, yedda-d d asefru. Fatma tlul deg useggas n 1931 di taddart n Tifra, di tɣiwant (commune) n Tegzirt. Deg 1941, mi tebbeḍ ɛecṛa n iseggasen, tekcem ɣer uɣerbaz (l’école) n taddart. Tagi d tagnitt ur ufin-t ara tullas nniḍen n tallit-nni, imi aṭas n imawlan ur sekcamen ara tarwa-nsen akken ad telmed. Ger temsirin yak telmed, d tamedyazt id d- ijebden tamuɣli-ines. S yagi i d-ebda tamacahutt n tayri n Fatma i tmedyazt d usefru. Fatma teqher-tt dunnit. Dagi ur telli ara akken tebɣ, ma di Paris, anda id d-es ɛedda aḥric meq ṛen di tudert-is, tezga tḥulfa i yiman-is tettwarez s leqyud n lɣeṛba. Ayagi daɣen iseč tamedyazt-is, imi aṭas n isefra zzin-d ɣef usentel-agi ( ce sujet). Isefra d-enna tmedyazt-agi n Tegzirt, s tṛumit d teqbaylit, tsemyager-iten-id deg ssin n wangalen. Fatma Tilikète, yellan tettnaɣ, aṭas aya, mgal aṭṭan, tsers azen ɣer lmaɛun, ɣef laɛmeṛ n 82 iseggasen.
Zenia T.