Rwan lḥif dayen kan
Ẓidit am (y)izammaren
Di tmura ur ǧǧin amkan
(D) tamara iten-izzuɣren
Yerna ttɣennin ; yerna dessen
Ammar anda ttasen
Caben mazal meẓẓiyit
Mkul wa anda yewḥel
Sebṛen i laẓ tawaɣit
Ttafaren aɣrum ireggul
Rnan ṛemḍan, yerna dessen
Ammar ad iglu yes-sen
Mačči yiwen, mačči sin
Ayen din d ilulufen
Ur iban ma d tiweḍfin
Neɣ ahatak d irgazen
Yerna nettben, yerna dessen
I wakkenb ad dum fell-asen
Ur yeli wacu kesben
A(d) (a)s-nini ad mmten fell-as
Kesben kan snat wallen
I wakken ad ttrun kullas
Yerna ad azzlen, yerna dessen
Ad d-ḥyun tamurt-nsen
Win i d-yusan, a(d) ten-illes
Anda lulen i ttmettaten
Taqsiṭ mačči a(d) teḥbes
Imecumen ad as-kemmlen
Yerna nṭṭerren, yerna dessen
Rebbi ad yili yid-sen
Nniqal ad xemmen ciṭuḥ
Ad mmsefhamen gar-asen
Ammar ad bedlen leryuḥ
Zemren ma yehwa-(y)asen
Nniɣ ass-n felli ay dessen
Uɣaleɣ nek d aadaw-nnsen.