“Si Moh d yiwen unaẓur i yesɛan amkan-is deg wannar n ccna Aqbayli atrar. Yesdukkel imeslayen, taɣuct akked uẓawan igerzen mačči d kra”. D imeslayen id yenna Hakim Kaci, yiwen unaẓur n Montreal, imi tekfa kan tmeɣra id suddes Tasbeddit Tiregwa ass n Sed 09 unbir 2013 deg tzeqqa Le Chateau deg Montreal.
Uqbel ad yebdu Si Moh, d tarbaɛt n lxallat TILLELI n tiddukla ACAOH id yebdan tameɣra s krad/tlata n tezlatin: A k-weṣṣiɣ ammi ɛzizen n Nwara, Amacahu n Lounis Ait Menguellat akked yiwet ger tezlatin n tarbaɛt Yugurten niseggasen 70.
R.At Bucnac