Ddurt-agi iεeddan, yerza γer yiwen uγerbaz amenzu n temdint n Tizi Uzzu umaṣwaḍ n yimaṣwaḍen (inspecteur général) yeṭṭfen akk lwilayat n tlemmmast n tmurt. Aγerbaz-agi uγur iruḥ yewwi-d 100% deg ukayaḍ n useggas wis 5 : meḥsub inelmaden-is εeddan akk γer uγerbaz alemmas (CEM) ; u d lakul-a i yettwafernen gar yiγerbazen n lwilaya n Tizi Uzzu i wakken ad yettekki deg tmesbanit n usmekti n 5 yulyu iεeddan i d-yellan deg temdint n Tizi Uzzu. Mi yewweḍ umaswaḍ γer uγerbaz, nwan akk iselmaden d tnemhalt d acekker uγur i d-yusa ad ten-icekker ; nwan yusa-d ad yesteqsi γef sser n teḥerci n yinelmaden. Meεna, yeḍra wayen-nniḍen : yezwar yessared tanemhalt, yenna-as :’’wagi mačči d amekkan-im, d acu ay txeddmeḍ da ?’’. Syin yekcem γer yiwet n tselmad yekkes fell-as sser u yenna-as :’’ kemm, aql-ikem s ddaw ulac (taḥta ṣsefr). Inelmaden n tselmadt-a, εeddan akk ilindi γer uγerbaz. Mi yekker ad yeffeγ seg uγerbaz-a, yessegra-d awal-a :’’wehmeγ amek Tizi Uzzu tewwi amḍiq amezwaru deg BAC. Iselmaden n uγerbaz-a εezzmen ad arun yiwen ucetki i yimḍebbren n leqraya n tmurt anda ara d-sbeggnen lγiḍ nsen γef tukksa n sser-a. Aṭas deg-sen i d-yennan :’’lukan i d-newwi 20% kan, ahat ad yefreḥ ? D acu akka ay bγan, ihi, wigi ?!’’ Deg uγerbaz-a, i yella unelmad i yewwin talγuγa n Lezzayer deg Jeux d’Echec i d-yenna yiwen umaraw.
Hocine.M