“Isefra i medden irkelli», d azwel n tmuqint n isefra yura umedyaz Mohand Amokrane Zizi, yesɛa-n azal n 250 d asefru.
Kra deg-sen yerraten deg tesfift yettnuzen, akka tura, deg tsedlist n “Cheikh” di Tizi-Wezzu. Adlis-agi, d-isgerwen isefra n umedyaz-agi n Larbɛa Nat Yiraten, yeffeɣ-ed, s lemɛawna n Useqqamu Unnig n Timmuzɣa, aseggas-a.
Timsirin n dunnit, d tala anda id d-yugem Mohand Amokrane tamedyazt-is. Ger isental d yesqerdec umedyaz ad d-nebder, ger wiyyaḍ, tagmatt, zher, tidett, asirem, rrifqa, tewser,…
Mennaɣ lqid i yiles
I lebda ad t-yeḥbes
Imi netta ur yettḥezzib
Yexleq-it melba iɣes
Yettiɣzif weḥdes
yeqbeḥ yerna yeskiddib
Win zeddigen ad t-yessimes
Fell-as ad ides
Di nnfeɛ-is ad yesqizzib
Zenia T.