Ayen bɣiɣ, mačči d awal
Mi t-tenniḍ, iddem-it waḍu
Ayen bɣiɣ, mačči d uffal
Ansi s-d-tekka, ad as-yeknu
Ayen bɣiɣ, akken i t-urgaɣ
Ur t-ttarzen ifassen
Am yiṭij mara d-issaɣ
Ur t-ssakkadent walen
Ayen bɣiɣ, iɣer i t-cubaɣ
Iɣer i t-cubaɣ ur yelli
Izzi-yaɣ-d, igguni-yaɣ
Akkenni, ḥed ur t-yeẓri
Ayen bɣiɣ, yiwen ay d udem-is
D tidet zeddigen am lukfen
Maana tidet yeɣba yisem-is
Ttagaden-tt yemdanen