Ilmend n usfuggel n yennayer, ixef n useggas amaynut n yimaziγen 2964, imḍebren n tγiwant n Aubervilliers, id-yezgan di tlemast n tmanaγt n tmurt n Fransa (Paris), rran tajmilt meqren i yiwent n tgejdit n tsekla d ccna n teqbaylit, i yettarun s tutlayt n Tefransist tcennu s tutlayt n Teqbaylit tagi d Ṭawes ΣAMRUC. Anda id-yella usemmi s wudem unṣib n yiwen n uγarbaz n tyemmat meqren (école maternelle), id-yezgan deg webrid n Presles wis 19 di Aubervilliers i yewwin isem n Ṭawes ΣAMRUC. Aγarbaz-agi yesεa 18 n tzeγwa, ad-yettqabal azal n 400 n yinelmaden imecṭaḥ. Ddeqs n yemḍebren n tγiwant n Aubervillier i iḥedren di tulya uγarbaz-agi, ger-asen Evelyne Yonnet, nayeb amezwaru uselway n tγiwant n Aubervilliers, Djamila Khelaf, d taεeggalt n tesqamutt n tγiwant-agi, akk d Elisabeth Guigou i yellan d taεeggalt di wesqamu aγarfan aγelnaw n tmurt n Fransa. Akken ḥedren deqs n tdukliwin tiqbayliyin, ger-asent Tidukkla n Bouzeguène-Europe, anda tamesbanit-agi tekfa s yiwet n tmeγra n ccna meqren.
Islam Bessaci