I tikkelt tis snat, tiddukla n yimawlan n yinelmaden n uγerbaz amenzu ‘’ MIMOUN’’ n temdint n Tizi Uzzu ḥebsen arraw-nsen γef leqraya. Tikkelt tamezwarut, ḥebsen-ten kan yiwen wass. Ma d tikkelt-a, ur ten-ttarran ara s aγerbaz alamma yettwaxdem lgaz-nni n lakul-a. ‘’Arraw-nne&gamma,; ur zmiren ara ad γren i usemmiḍ ladγa akka tura. yerna mačči kan d anect-a, ayen i aγ-izeεfen s waṭas d astehzi n wid yettukelfen s lxedma-agi.’’ I aγ-d-yenna yiwen seg yimḍebbren n tiddukla-a. I usmekti, aγerbaz-a yeqqim akka tura ugar n tlata n wagguren mebla aseḥmu : xas ini-d cetwa akken tella. Mačči d lagaz ay ulac imi lakul yezga-d deg tlemmast n temdint, meεna d iteyyuten-nni n daxel i yeqqersen, qrib teḍra twaγit. Ihi, γef wakken i d-nnan yimawlan n yinelmaden ‘’Ma ulac lgaz, ulac…leqraya.’’ Nessaram tamsalt ad tefru deg ussan-a u ad uγalen yinelmaden s aγerbaz imi dγa d lawan n yikayaden γef wakken i aγ-d-nnan yiselmaden n uγerbaz-a.
Hocine.M