Werǧin necfa tuqeɛ tmellalt yecban tasenduqt n 17 yebrir deg izzayriyen. Yal sbeḥ, d tazla ɣer buraliste, ad ɣren d acu daɣen d-yenulfan, gar yiḍ d wass.
Ddurt-a, win yezrin d widen d-iteddun mebla ccek, les zartikl ḥala ɣef lbuṭ d wid ara yettekkin neɣ ur nettiki ara.
D acu akka ihi d -qqaren ineɣmasen ? Ulac i d-nnan, imi, s umata, mačči d nutni d-yeqqaren. Ma taram(t) tamawt, seg wasmi yebda wecrured ɣer 17 yebrir, ḥala iserdasen d-yemeslayen deg yiɣmisen : ttaqa deg-sen d les généraux à la retraite. Ma mačči deg la retraite i llan, ad tent-afeḍ d DRS en “mission commandée», ɣas ulamma ttgalan kada u kada ar xḍan. Lḥasun mačči d wa i d aɣbel. Aɣbel d taɣmsa-agi yetruẓin, yuɣalen d “le prisme déformant», ɛiwaḍ ad ad-telhu d ccuɣel-is: ad ksen agu ɣef tidet, ad ceɛlen tafatdeg webrid…
Taɣamsa tebḍa gar “contre wa, pour wa” d “pour, wa contre wa”. Ma d imeɣriyen, ur ɛad ɣrin asali tt-yedzen, tt-iberzen.
Walit tura taluft-a n waṭan n Bouteflika.
Win tiwalan seg yimḍebren n tmura tiberaniyin qqaren : ur “t-yuɣ” wara, wiyaḍ, wid ur ten-wala ara, qqaren-ak, deg iɣmisen: ur s-d-mazal ara. Anda-tt tidet a tidet ?
Tidet attan di Tawrit Mimun. Isem-is Mouloud Mameri. Isem-is : « Tajerrumt n tmazigt (tantala taqbaylit) », « Précis de grammaire berbère »,« Amawal Tamazigt-Français et Français-Tamazigt »,
“La Colline oubliée”…
Ma d tidet, ur nudan ineɣmasen ad tt-afen as n 18 yebrir.
T. Ould amar
t. ouldamar@yahoo. fr