Ur ttaggadet! Mačči d aẓeṭṭa imetti faysbuk ara yettwikksen maca d aqeddic n tirawt (service de messagerie ) @Facebook.com i ara isekkren ussan-a. Ma nuɣal-d ɣer uqeddic-a i yebdan deg useggas n 2010, maca skud ur iqennaɛ iseqdacen n usmel-a (site) ggrant-as-d kan tiǧǧin . Ayen akk ara yettwaceyyɛen sey-a d asawen ɣer tansiwin email @Facebook.com ur yettwasfaḍ ara, ad yerr srid ɣer tansa talikṭrunikt i yemuggen ass amenzu mi yettwalda umiḍan (compte) faysbuk n yiwen. Taxṭirit-a (option) yezmer ad tt-yesseḥbes useqdac. Mi yefka Faysbuk tagnit i yiɛeggalen-is ad sɛun tansa talikṭrunikt s @facebook.com, yenwa ad ibeddel kra kra aseqdec n tansiwin tiqburin s umaynut i d-yewwi, skud aṭas n wakud i sɛeddayen medden deg-s, wanag daɣen yella deg uwellih-is aɛaned n Yahoo ! Mail akked Gmail, ma neẓra belli kra win yellan yessexdam @facebook.com ttawaḍen-as-d yiznan srid ɣer umiḍan-is s tansa i yettcabin ta : aẓarisemisem@facebook.com. Kraḍ (tlata) n yiseggasen segmi yebda, aqeddic ur yewwiḍ taseddart n unjaḥ i ssaramen wid i t-id-isersen s annar, ɣef waya Faysbuk yesneɣmes-d (ixebber-d) dakken ad t-yekkes. Aḥbas n uqeddic-a yettwaɛeyyen-d i umenzu n wayyur-a deg nella. Annect-a akk yenna-t-id umsawaḍ n Faysbuk deg adeg insidefacebook.com .
Mhenni Xalifi