Deg leqdic i d-teseddus tiddukla itri adelsan n weqbu , yella-d deg uxxam n yilemziyen ɛabd raḥman fares n weqbu, lǧemɛa yezrin, timenna n yisefra n kra n yimedyazen am boualem messoussi, Malek ḥud , Ait mkourta cherif , chaibi… S-yin, yell-ad usarag i d-imud Abdennour abed slam. Dɣa yewwi-d umusnaw awal s telqey ɣef tudert n Dda lmulud: amek alammi i d yuki, d acu i t-id- yessakin … Yenna deg wawal-is aselmad amezwaru n dda lmulud d baba-s, dda salem nat maammar, ɣur-s taḥanutt n ureqqeɛ n leslaḥ deg tlemmast n lɛerc n at yanni. Yal tameddit, ad d-teddukel teqbaylit yeqzuzmen kra yekka wass , d imi kra n leqdic yellan ɣur-s taqbaylit-is ttdukulen-d ɣar din yemdanen yemgaraden , ama d afellaḥ, neɣ d areḥwi, neɣ d ttajer, neɣ d win ileqmen yal lḥirfa s teqbaylit-is. Rnu ɣur-s dda salem d axuni n ccix muḥend ulḥusin din i d-yessemɣer tamusni-s, yewwi-d taqbaylit yugaren tiyiḍ. Kra n wayen i d-yegmer yessaweḍ-it i mmi-s s, netta ahat ɣur-s 10 iseggasen deg leɛmer-is . Mi yekcem aɣerbaz, ur yufi ara ayen akken i as-yesselmed baba-s. Skud yettali deg uswir, ur yufi ayen i d -yettmeslayen ɣef leqbayel neɣ ɣef imaziɣen d yidles-nsen. Yenna Abdennour abdeslam deg awal-is belli deg wayen yura Dda lmulud yezga yettifrir ɣef win yeɣran deg yedlisen –is I yura. Acku deg temsirin i d-yugem ɣar bab-as i a- yennan “ɣur-k ad tettwisneḍ ma yella tettwasneḍ ɣur-k ad ttukecfeḍ” dda lmulud yewwi tamuɣli a yesseqdec-itt deg yiman-is, yedder yess, d ayemmi netta ur nelli ara d amyaru, t-demmeren tegnit ad yaru. akken s qqaren leqbayel: “ma yewweḍ –ik-id wawal ur d-nniḍ ara fell-ak lexlas , ma yella tenniḍ-d kan akken ad d-iniḍ fell-ak lexlas” Dda lmulud yura ungales-is s tefransis deg akud anida ahat 99 ɣef miya n yezdayriyen ur ssinen ara tafransist maca I akken ad iɛerri tidet ɣef I yezdel wemnekcam afransis s yin yerna-d ɣef lbaṭel n udabu yeṭṭfen tamurt deg yimi iḥus I temḥaqrant d lbaTel, dda lmulud yefka azal i win yeɣran acku d netta imi d tewwi ad d inadi ɣef tifrat n wuguren n tmetti acku d netta imi teb3ed tmuɣli d netta i d amusnaw mayella yuɣal ɣar deffir neɣ ur yesseqdec ara tamusni-is i lmend n tmett-is d ayen ur nelli ara d ṣṣwab d ayemmi deg yall idles yettamudd-d ismawen maca d netta s timmad-is ama deg tewrirt yettwattun d Meqran deg lkif d uɛekkaz d Lbacir deg iḍes n uḥeqqi d Arezqi deg la traverser isemma i iman-is Murad. Dda lmulud yewwi-d abrid n tira am akken ad isuɣ ad d yini ayen akken i t yerḥan d akken ad d isebgen lbaṭel yeḍran d wegdud amaziɣ neɣ d wegdud azdayri sumata . Di taggara yeɣra-d tabratt yura urezqi i uselmad-id ass-n i tegren ɣar lḥebs deg lɛesker , ta dayen akken id yerra ɣar teqbayli ɛabd slam ɛabdnnur deg-s anceggal izedɣen dda lmulud seg yimi yella meẓẓi alammi meqqer takayt ur tezmir ara ad tesderɣel bab-is akken yecna win akken i as yennan amarezg n win ihenna wul-is yusa-t-uid naddam yeṭṭes Dda lmulud d win i d yeswan seg taɛwint n teqbayli alammi yeččur yettenfal ayen akk igerzen imi i tt yedhen s tmusni deg tebratt yura yessebgen-as-d i uselmad-is belli ayenn akken i aɣ tesselmadem d aɣebbar s allen d asganay, d abeddel i yebɣan ad aɣ beddlen neɣ ad aɣ leqmen akken ad nuɣal d nunti ara yilin ddaw nutni .di tagara akken i as yessuɣ tannumi d awal n leɛqel d lmeɛqul win yenwan Tamaziɣt tella ad til a win yebɣan a win ur nebɣin , Tamaziɣt yewwi-d yiwen wass kan ad teṭṭef amḥiq-is s wezday n lqed .ayen akk ijebden tamawt d aḥris id yerra ɣar teqbaylit , deg cbaḥa d userreḥ yennesraḥ yiles-is win i as yeslan neɣ win ara t yeɣren ad yasem ɣef tmaziɣt ttutlayt am tiyaḍ neɣ terna aqeddim akin .
A.Outamazirt