Deg yiseggasen-agi ineggura, mebεed mi tamurt n leqbayel tuγal d agudu, bdan yimezdaγ-is ad d-ttarran s lexbar dakken ayen ara ay iḍurren agama ad ten-iḍur ula d nutni. Tamsalt n tezdeg ur teεni ara kan sdat n uxxam n umdan. Akka,dγa, i bdant ad d-ttlalent tiddukliwin yesseḥbibiren γef ugama deg waṭas n tudrin. Ussan-agi kan, dγa, mlalen kra n yilmeẓẓyan seg taddart n Tala Athmane i d-yezgan deg tγiwant n Tizi Uzzu, xelqen-d yiwen ugraw ara d-iceγlen s useḥbibiren γef twennadt. Aya, yella-d s ddaw n tecḍadt n tiddukla ‘’AJIE’’ n temdint n Tizi Uzzu. Leqdic n ugraw-a, ad d-yili s umata akked yinelmaden n yiγerbazen n taddart n Tala Athmane, ama d aγerbaz amenzu neγ aγerbaz alemmas. Ahil i d-swejden deg tazwara-agi, ad yecγel di ttrebga γef ugama s ttawil n yidles, ama d ccna, tamezgunt d usuneγ…atg. Ula d imḍebbren n taddart-a, fkan afus n lemεawna i yilmeẓẓyen-a, nessaram dayen ara sen-yefken afud igerrzen.
Hocine.M