Mbaεd laεḍil meqren, id-yellan acḥal iseggasen-aya γef lxedma n yiwen n usenfar s wazal-is, i icuden γer waḥric umezruy, wagi d lebni n yiwen n usebdad (stèle) n Lkulunel Muḥend Welḥağ, imḍebbar aneggaru n lwilaya tis 03 tamazrayt, i yellan d mmi-s n temnaḍt n Wizgan lwilaya n Tizi-Wezzu. Asenfar-agi d win i yebdan s lxedma s wudem unṣib, ass n 06 yebrir 2014 yezrin, anda ara d-yilli usbeddi n usebdad n Kulunel Muḥend Welḥağ s zdat n lbusta n temdint n Wizgan, u tadrimt i ittewxeṣen i lxedma-s nnig n 800 melyun sentim, γef akken iγ-d-wekkden yemḍebren n tγiwant n Wizgan. Γer tagara, imezdaγ d yemḍebren n tγiwant n Wizgan, xarṣum tawacult tagrewliwt farḥen aṭas s lxedma n usebdad-agi amazray, d tajmilt meqren i yuγalen i mmi-s temnaḍt n Wizgan Lkulunel Muḥend Welḥağ γef ayen yexdem i temnaḍt n leqbayel d tmurt n Lzzayer sumata γef dema n tmunent akked tlelli, i usebγes n umezruy lqayen tesεa tmurt n Lzzayer, akken ad iressax deg allaγen i tsutiwin id-iteddun.
Islam Bessaci