Send iḍelli d ass-a d ass agraɣlan n tɣamsa. Dɣa d tagnit i wakken ineɣmasen d tdukliwin i deg ttemlilin ad d-smektin tikmamin-nni i mazal uɣalent ɣef yimawen deg tmura ur nerbiḥ. D tagnit daɣen i wakken ad yili wawal ɣef yineɣmasen yerkan di leḥbus d wid yefkan tirwiḥin-nnsen d asfel i wakken ad yili wawal, ad dyifrir nnig uɛekkaz.
I di Tmurt-nneɣ amek ? Temekmek !, akken i as-yenna win. Ur neẓri ansi ar as-d-yebdu. Deg useggas-nni n 89, tebbeɛzeq-d tɣemsa, tekfa-d awal almi d imi tɛedda akkin i l’éthique . Deg iseggasen-agi ineggura, slid kra n yeɣmisen, taɣamsa tuɣal, am les superettes, d abeṭeḥḍaḥ n tedrimt. Dɣa win tufiḍ ad ak-yini: ad ruḥeɣ ad d-xedmeɣ registre de commerce wa ad sbeddeɣ ajarnan. Et toc pour l’éthique, la déontologie et l’aventure intellectuelle ! I tɣamsa s tmaziɣt ? Slid La Dépêche de Kabylie akked d La Cité i d as-yefkan cwiṭ n wumkan. Wiyaḍ, tecqa-ten tmaziɣt ḥala ma yekker cwal di tmurt n leqbayel, mara d-leḥqent tefranin… Imir, ad bdun s tefransist d taɛrabt: tamaziɣt bla, bla, bla…
I ddula ?
Am win yettrajun Rebbi !
Ulac akk wid ara d-yesbedden ajarnan s teqbaylit ? Idrimen llan. Wid i ten-yesɛan qqaren-ak : awah, ulac wid ara yeɣren tamaziɣt ! Rran iman-sen, neɣ d sseḥ ur ẓrin ara, belli seg 1995 d luluf n wid yeqqaren, yettarun tamaziɣt.
S.O.A.