Tablazt ttadaṛt i d izgan deg tɣiwant n Tazmalt ansi, daɣen, yegzem webṛid aɣelnaw wis 26. Ttadaṛt n tfellaḥt, imi yella degs uzemmuṛ s waṭaṣ lakked d tfellaht n-izegza d-igumma (Légumes et fruits). Ɣas akken tafellaḥt deg tadaṛt-agi tenqes aṭaṣ, acku imezdaɣ aṭaṣ degsen i bedlen lḥiṛfa neɣ ixedmen deg tikubaniyin. D-ayenni i yeǧǧan tafellaḥt dagi twexxeṛ, tuɣal aṛ deffiṛ s waṭaṣ n-isuraf. D-acu, taddaṛt-agi uṛ tettwassen aṛa s yiwet n tɣawsa nniḍen: Ixeṛban n ṛṛumman (Ruines romaines) yellan deg yiwen weḥṛiq i d izgan deg yiwwet n tiɣilt. Deg tama-agi, ixeṛban i n-wala d-idɣaɣen muqṛen iɛedlen (grosses pierres taillées) yes i bennun zik nni ṛṛumman. Idɣaɣen-agi ɣlin sya wesya, uṛ iban aṛa d-acu i llan zik nni. Maca ɛla ḥsab yiwen uselmad yeṭṭafaṛen amezṛuy aqbuṛ, idɣaɣen-agi « ahat d yiwen lebni yecban timeẓṛit (guérite) neɣ d-axxam n-ustaɛfu n-iseṛdassen n ṛṛumman! ». Idɣaɣen-agi iwaɣezniwen iban ɣef akken xuṣen, imi n cuk belli aṭaṣ degsen tuṛefden iwakken a d ttusxedmen deg lebni neɣ deg wayen nniḍen.Ɣef akken i nenuda f-ayen yaɛnan taddaṛt-agi, iban-d belli yella ssawalen-as, di talit n ṛṛumman: Tablaztensis. Deg yissem-agi i d-yusa Tablazt. « Akal-is yella n kṛa n-imḍebṛen imectah n ṛṛumman i xedmen tafellaḥt, yuɣ lḥal Tablaztensis akal-is yelha aṭaṣ i t’fellaḥt. ». Azemmuṛ, iṛden, timẓin lakked tiẓuṛin d-ayen i d ittefɣen deg t’muṛt-agi, deg talit nni asmi llan ṛṛumman deg tmuṛt nneɣ. Tuṛa kṛa dayagi uṛ yelli. Yegṛad kan uzemmuṛ, kṛa n-isekla n-igumma d ttikumicin izerɛen d-iṛden. Ixeṛban-agi n Tablazt uṛ ttuḥadṛen aṛa, imi yezmeṛ yal yiwen a tenyawi. Akka i d liḥala n-ixeṛban deg tmuṛt nneɣ!
Syphax. Y