D wa i d azwel i as-yefka umyaru Ʃebdelḥafiḍ Cenan i udlis n yisefra i yexdem γef Maεṭub Lwennas. Mass Cenan i yettwasnen yakan s sin n yidlisen i d-yessufeγ : « awal n win i d-ileḥqen » d « awal-iw d awal » ideg d-yura innan(maximes) n teqbaylit i d-yesnulfa netta s timmad-is, yextar ad as-yerr tajmilt i uγewwaγ(rebelle) s wamud n 78 n yisefra ideg d-yules aṭas n yisuyas n tudert n Lwennas . Asmi i t-nemlal di Tizi Wezzu, yeγra-yaγ-d kra seg-sen, iceyyex-aγ yes-sen imi tutlayt i yessemres tserreḥ, teččur d lemεani, rnu tesbanay-d anect i t-tḥuza tmettant n Lwennas. Mi t-nesteqsa, γef sser yellan imi yexdem 78 n yisefra , yessefhem-aγ-d belli 78 d amḍan n terṣaṣin i yes-sent yettwet Lwennas deg ass-nni amcum ideg qemmḍen ṛṛuḥ-is yiεdawen n tudert. Isefra n Cenan mačči kan gerrzen imi netta seg yiḥeddaden n wawal, ččuṛen d ṛṛuḥ n umennuγ d leḥraṛa, d amennuγ n talwit mačči n thamaǧit ; yal afyir d tiγri yugaren tiyita n ṛṣaṣ ; yal asefru d lfuci ara yekkaten lbarud i lebda. Isefra n Cenan, d ameǧǧed i ṛṛuḥ n Lwennas akken ad izeg gar-aneγ yal ass, akken anza-s ad as-nsel nekni d leǧyal ara d-yasen mbeεd. Amud-a n yisefra mazal εad ur d-yeffiγ ara, ameskar-is yewεed-aγ ad yili di tnedlisin deg ussan i d-iteddun.
Mokrane Chikhi