Acḥal i terẓageḍ a lmut, maca lmut d lḥaq d abrid ur nxelu, tettawi mebla ceḥa mebla akukru.Dγa di ddurt-agi yezrin, deg ass n lḥed 04 maggu 2014, teḍra-d yiwet n twaγit n yibardan, anda yiwen n yilemẓi n taddert n wizgan, wagi d mass Rabaḥ HAMOUM, i yesεan 45 n yiseggasen di laεmer-is, yegrareb s ukamyun (camion-citerne) i yeččuren d lisens (essence), deg temnaḍt n Siryana lwilaya n Batna, id-yewwi di temdint n bgayet srid γer Batna tamnaḍt n yicawiyen, anda yella ixeddem acḥal n yiseggasen-aya.
Dγa akamyun-agi tecεel deg-s tmes, syen lmut tukker ilemẓi-agi Rabah HAMOUM i yellan s daxel.Dayen yesḥisifen aṭas, imi tamettant-is taγli-d deg ass umuli amenzu n tlallit n mmi-s, anda niqal iεeggalen n twacult-is ttheggin tameγra swayes ara sffujlen amuli n weqrur-agi i yesεas aseggas di laεmer-is, maca lmektub ijared akken niḍen, amuli n tlallit n mmi-s yemlal-d d lmut n baba-s.Isali yuγ am lebraq, iγmisen d yimaṭṭafen n tilizri meslayen-d γef twaγit-agi, imezdaγ n temnaḍt n wizgan ḥeznen meẓẓi meqqar, argaz tameṭṭut, am win it-yesnen am win ur t-nessin.
Tafekka-s wwintt-id ass n 05 maggu yezrin di lwilaya n Batna γer taddert-is wizgan, lwilaya n Tizi-Wezzu. Tamḍelt-is tella-d ass n tlata 06 maggu di tmeqbert n Wizgan anda iḥedren d lewluf n yedanen id-yussan si temnaḍin yemgaraden.Yemmut d amaγras γef weγrum n twacult-is, yejja-d deffir-s tajalt d yiwen uggujil.
Tawaγit i yeglan s wargaz-agi tennul merra imezdaγ n taddert d tγiwant n Wizgan, imdanen merra sḥasfen s tyita-agi.Sggunfu di talwit a Rabaḥ, amḍiq-ik di rreḥma.
Islam Bessaci