Taɣiwant n Ayt-Smaɛel am waṭas n temnaḍin n tmurt dɣa, tesmekta-d azemz amezray (date historique) n 08 seg mayu n useggas n 1945 ed tdeyyanin tiqesḥanin i yexdem uneḥras afransis deg wakal-nneɣ. Ilmend n waya ihi tella-d tazwara deg wahil tazzla n warrac seg Tizwal i uxxam n tɣiwant ddaw leɛnaya n tɣiwant akked Tdukkla Tanaddalt n Yibujaden n Ayt-Smɛel i yellan deg yixef-is mass Ɛetman Rebbaɛi. Syin akkin mi tekfa tmeɣra n tikci n warrazen i wid iḥercen, msegrawen yiturawen (les présents) akken ad sersen lwaḥi ed yegruden aqebbiṭ n yijeǧǧigen, d areḥḥem ɣef wakk iẓiɣren n yimeɣrasen i yeɣlin deg wass arẓagan n lbaṭel. Ma deg taggara yella-d umeslay n yimḍebber deg tɣiwant mass Macuc Ɛebdelɛazin, syin yeḍfer-it-id wawal n uselway n tuddsa taɣelnawt n lmuǧahdin i d-yewwin asmekti ɣef wayen yeḍran ass-nni deg Xerraṭa, Melbu, Galma, ed Seṭṭif. Send ad nnebḍin s kra n tẓidanin i warrac ed wid i d-yettwaɛerḍen ladɣa.
Mhenni Xalifi