Xas akken tudert-is tcud ɣer twennaṭ, acku amdan yegguma ad yerr tilas i yir lexdayem-is yefkan axeṣṣaṛ i wgama. Ma ur yewwit s ufus, ad yewwet s uḍaṛ. Dayen, kfan wussan anda imdanen, ladɣa di tallit n uzemmur d yeqwiṛen, ttessen-d deg waman n tregwa, iɣezṛan d taɛwinin. Tura mači diriten kan i tezmert n yemdanen, ula d iɣerṣiwen ur sen-elhin ara. Llan-t tmekwatin, anda zaden iḍumman, ma swan-d din ad mten. Ddaw tzemrin, ɣef yiran n iberdan imeqṛanen, deg tẓegwin, deg isaffen d iɣezṛan ad tafeḍ icekkaṛen n wafrasen čuṛen ar almi ulac anda ara rnun ula d axuc. Deg waman, kra ttezdaren ɣer lqaɛ, ma d wid fessusen ttecraken abrid d wana yettezririgen deg cetwa lak d tefsewt alama d anda ufan asɣersif anda ara ckunṭḍen. Deg tallit n unebd d iweǧiben, anda rsen ara qimen alam d-yeɣli ugeffur. Kra yettawiten waḍu ma d wiyyaḍ yettkar deg-sen ubaxix. Aman lḥamu d iḍumman, mi rekmen ttaken-d yiwet n tariḥ yetteqbaren. Dinna daɣen ttefṛuṛuxen igelfan n namus d yizan yettafen tiram-nsen deg wafrasen. Tamuɣli d-ttaken imekwan agi d tin yesseḥsafen : tirac n wafrasen deg tlemmast n waman yettuɣalen d izegzawen amnnila, tikwal d iberkanen. Llan kra nniḍen ttesmirin-ten kan d iɛemmuṛen anda ufan. Mi d yekker acemma waḍu ad ten-yexdem d cɣelMa ɛeddan-t-ed tqeḍɛay n iqejjan d yemcac, ad gezren ticekkaṛin, wa ad d-neɣlen-t kra yellan ɣer leqqaɛa. Ayagi ur yettḍuṛṛu ara kan agama, imi ala d imdanen zemren ad ten- čen iɣeṛṣiwen-agitett ɛacaṛ tuṣḍa. Idura, yellan zzik selken i wugur-agi, uɣalen, ula d nutni, ttwacemten s wafrasen. Timnaḍin-agi izemren ad d-jebden-t aṭas n iḥewwasen, uɣalen d ibuduyen i yemdanen urnesɛi ul. Imḍebṛen teɛna temsalt n useḥbiber ɣef ugama, si lǧiha-nsen, fkan afus. D ayagi i yeǧan imdanen serwaten akken s n-yehwa, xedmen lebɣi-nsen.
Zenia Thiziri