Tazrigt tamenzut n tmeγra ubernus s usentel » Abernus idles akked tgemmi », id-sudes tiddukla tadelsant Yakoubi Ferhat n taddert n Ḥura, taγiwant n Wizgan s lemεawna n tesqamut n taddert-agi, tamahla n yedles n lwilaya n Tizi-Wezzu, asqamu aγarfan n ugarzu n Tizi-Wezzu d tγiwant n Wizgan, d tin id-yellan s wudem unsib ass n 23 almi d 25 maggu yezrin, d leqdic i yeddan γef teγzi n 03 n wussan, anda ijarden yiwen n wahil d amesbaγur, ideg llant temzikniyin γemgaraden γef ubernus d wamek id-yettili uẓeṭṭa-ines, taqendurt n leqbayel, tallaγt, iẓeḍwan, taklut, allalen iqburen, asenεet n zwağ aqbur, ccna n tmedyazt n tlawin, ccḍaḥ akolkluri, uraren, taγuri n tmedyazdt, amezgun d waṭas niḍen. Akken itella d tagnitt yelhan i wid iḥemlen taγuri d tẓuri, imi llan yemyura, imedyazen, imazragen i yellan deg tfaska-agi zenzen idlisen-nsen s ibuddan.
Leqdic d win γezzifen imi id-llan isaragen yemgaraden, amenzu yefkat-id mass Stiti yiwen umusnaw asedawan n tγerma n teqbaylit id-imeslayen s telqey γef ubernus d tgemmi, wiss 02 yefkkat-id mass Youcef Merrahi γef umezruy n ubernus d wazal-is i temnaḍt n leqbayel, anda iḥedren deqs n yemdanen. Nnig n 25 n yimzikniyen id-yussan si temnaḍin yemgaraden n tmurt leqbayel, ukkan deg leqdic-agi, akken id-tella tmaγra-agi ubernus s leḥdur n deqs n yinebgawen ger-asen aselway n wesqamu aγarfan n ugarzu n Tizi-wezzu, timahliwen yemgaraden ama n yedles, tazmert, n waddal d yelmeẓyen. Aselway n dayri n Wizgan, iselwayen n tγiwanin yemgaraden n lwilaya n Tizi-Wezzu d yemḍebren n yeḥricen yemgaraden.
Akken id-ussan deqs n yinebgawen niḍen si yal tamnaḍt n tmurt leqbayel, imi iswi n tfaska-agi ubernus, akken ad-rren azal i ubernus n sser d lḥerma, imi abernus d azamul u d tigemmi n leqbayel, u d tagnit yelhan i usebγes uẓeṭṭa ubernus akken ad-yeqqim i lebda.
Akka abernus γlayet lqima-s, imi yeṣṣar argaz tameṭṭut, isbur iwargaz tirugza, tecbarbar teslit-yes yerra-yas-d lḥerma, γef annect-a is-qarren at-zikk talaba n sser.Tameγra ubarnus di tezrigt-is tamenzut, tekkfa s yiwet n tmeγra meqren, u leqdic iεedda di tegnatin yelhan aṭas.
Islam Bessaci