Takebbanit n Algérie Télécom tessaweḍ deg wussan-a yezrin ad d-teldi yiwen n umraḥ wessiɛen n Internet deg taddart n Uzaknun i d-yezgan deg tɣiwant n Leɛǧiba. Asenfar-a yetturajun acḥal d aseggas yefka tagnit i yimezdaɣ n taddart-a iwakken ad ffɣen seg tillas i yesberbren fell-asen deg uḥric-a n taywalt. Akken kan yendeh yisalli n beddu n usexdem n ttawilat-a, d amḥizwar ɣer tɣiwant n Yimceddalen iwakken ad d-aɣen yimdanen ttawilat iwulmen yecban “les modems”, iwakken ad kecùmen s wudem unṣib deg uzeṭṭa-a atrar. Iwulem ad d-nebder dakken lemwaǧi-a mačči d tid iḥuzan kan taddart-a n Uzaknun, meɛna jbant mebɛid iwakken ad sfaydin ula d wiyaḍ s ttawilat. Ɣef leḥsab n wayen i nesla, takebbanit-a n Algérie Télécom d tin yenwan ad tessiweḍ l’Internet ɣer waṭas n tamiwin n twilayt n Tubiret, akka tura mazal-as ad tessuddu ayen akka I tettheggi ama di Beclul neɣ anda nniḍen. Ad d-nesmekti dakken asenfar yettwaxedmen beddemma deg taddart n La Crête-Rouge s ttawil n “la fibre optique” yebda ixeddem, d acu kan yetturaju ad yennerni iwakken ad yaweḍ ɣer yixxamen n taddart-a imerra.
Smail Merzouk