Leḥsabat n twaɣiyin segmi yebda useggas

Partager

Am yal asḍisyur, yessufuɣ-d Uḥuddu Aɣarim (Protection Civile) n waɣir n Bgayet ulɣu aɣamsan ideg i d-yettawi isallen ɣef yineḍruyen i d-yettilin seg tallit ɣer tayeḍ. Dɣa, deg win i d-berrḥen ussan-a yezrin, llan-d s umata 6654 n tuffɣiwin sɣur yirgazen-is n usellek. Ma yella d leḥsabat n yisehwa (accidents) n yiberdan, wwḍen ɣer 403. Seg-sen selken azal n 447 n yimejraḥ, ideg tuget d irgazen, mmuten 9 nniḍen. Ɣer tama n tnezduɣin d tudrin n yakk aɣir n Bgayet, ḍran-d ugar n 193 n yindaren n tmes. Maca tiḥerci n yirgazen n usellek n Uḥuddu Aɣarim, teǧǧa ad d-neqsent xersum txessar. Deg wayen yeɛnan tiwaɣiyin i d-iḍerrun akkin i berra, gar tɣelyawt deg yimeḍqan n uxeddim d wayen-nniḍen, ttwajerden ugar n 554 n yisellken war ma yella-d d ameẓyan umḍan n usaɛef n yimuḍan ɣer tzeɣwa n udawi, imi yesqer ɣer 3176 n tuffɣiwin. Ma nga aserwes (taqrint) gar usḍisyur-a d win n yilindi 2016, ad naf zadent aseggas-a akk twaɣiyin i d-iḍerrun. Ilaq ihi aṭas n uḥezzeb d uḥader.

M. K.

Partager