At Dawuẓru d asaru aneggaru i d-yerra γer teqbaylit Mass Samir AIT BELKACEM i yettwassnen aṭas deg uḥric-agi. Yettwassen s leqdic-is igerrzen, ladγa, s yisura imezwura. Yesssaweḍ ad yawwi arraz amezwaru di tfaska n usaru amaziγ.
Seg usaru γer wayeḍ, ttnernint tzemmaris-nsen, am netta am terbeεt-is. Aya, iban-d deg usaru-agi-ines aneggaru ‘’At Dawuẓru’’, ama si tama n tmeslayt neγ si tama n usemsawi : mi ara t-tettwaliḍ, ad as-tiniḍ s teqbaylit i yettwaxdem.
Am wakken, di&gamma,; yuγ tannumi Mass Ait Belkacem yettcuddu asentel n tmeslayin tiberraniyin γer yidles amaziγ (ladγa timucuha). Mebεed mi d-yessekfel taqsiṭ n Uḥeddad Lqalus deg usaru iεeddan, yuγal-d, deg usaru-a, ad yessqerdec tudert n twacult taqbaylit s tmuγliwin-nniḍen, gar zik d tura, gar lebγi d tmara, gar twaγiyin n berra akked lḥewj n uxxam…
‘’At Dawuẓru’’, d yiwet n twacult i yettidiren ddaw uẓru, akken i t-id-yemmal yisem-agi. Lğiran-nsen akk negren. Ihi, ababat n twacult, yettagad aṭas fell-asen, yesseḥbibir mačči d izli, zgan deg yifri-nsen, ddaw uẓru…Acu kan, tagnit ur tettdum ara…ad yili wayen ara d-yilin…
Asaru, yelha ayen din, yezmer ad t-iwali umucṭuh, yilemẓi d umeqqran, taqcict d temγart. Yeffeγ-d i twacult akken ma tella.
Hocine.M