Taγiwant n Wizgan d tin yettexbibiḍen deg acḥal iseggasen-aya deg yiwen n wuggur meqren icuden γer waḥric n twenaḍt, sebba n wemḍiq uḍeggar n yiḍuman id-yezgan di tama n uzaγar, id-yeglan s lemḍara meqren i tfellaḥt d wesluγu n ugama, tawenaḍ d wayen is-d-yezzin. Imezdaγ n temnaḍt n Wizgan dren tignatin yuεren nezzah s zdat n wuggur-agi uḍeggar n yiḍuman, igzemren ad-yeglu s lemḍara i tudert-nsen d tin n warraw-nsen, imi ixeddamen n tezdeg senqasen ayen id-yefγen deg yiḍuman-agi s usarγi, syen dexxan id-yettefγen igellu-d s lemḍara ama ilhawa, imi imdanen ur ttnefisen-ara akken iwata lḥal, rnu uggur n tmuγli, ayagi di tama. Di tama niḍen ifellaḥen ttcetkin γef tebḥirin illuγen. Maca uggur meqren d win id-ibanen deg ussan-agi ineggura, u d uggur yugaren merra iγeblan-agi, wagi d aḍeggar n 35 ljifat n yeqjan (Iḍan) yemmuten, dayen i zemren ad-yeglu s lemḍara i tezmert n yemdanen d yemsebriden yettawin yal ass abrid-agi uzaγar i qrib ad-yaγlaq s iḍuman D aγbel iwmi sḥasfen aṭas imezdaγ n temnaḍt n Wizgan. Γef aya ggren-d tiγri deg wul γer yemḍebren taεna temsalt akken ad-ggren imman-nsen γef zik lḥal i tifrat n wuggur-agi ilebda, akken sutren lebni n wemḍiq uḍeggar n yiḍuman (C.E.T)s tawil atrar, i uḥareb γef twenaḍt, imi d tamsalt i yeεnan yal amdan.
Islam Bessaci