Akken i d as-yenna Mohya deg yiwen gar isefra-ines : « Iw ḍellaɛ mi yesselqaf, d acu ad as-d- gen ifassen ? ». Akka ihi i tḍerru d yimezdaɣ n tɣiwant n yimcedallen, ma yella ad nebder kan tama-agi, segmi i d-yekcem waggur n Ṛemḍan, tiwaculin ur ṣiwḍent ara ad sduklent sin n yifassen. Acku leɣla n kra n yifarisen n tuččit (produits alimentaires) yekkes lbenna i Ṛemḍan. Gar tuččiyin-agi, yella weksum. Ɣas ma yella iguma (fruits) lakked izegza (légumes) ur ulin ara aṭaṣ deg ssuma, aksum, ur d-tudir ara ssuma-ines. Dayen yeǧǧan imezdaɣ ur ufin ara s anda ad rren iqurra-nsen ! Cerba tettibnin s weksum, wagi ɣlay aṭaṣ ɣef imezdaɣ, yagi tiwaculin ur nelḥiq ara iman-nsen-t ! Ula d-aksum uyaẓid, neɣ aksum igellil, yessemɣi-d afriwen yufeg alarmi d 350 idinaren i l’kilu ! Aksum yekunǧlin (γiande congelée) anegaru deg ikesman ur d-yettader ara s daw n 650 idinaren. Ma yella win n tmurt, abaqri yettnuzu kra n 850 idinaren. Ma d win n-uɣelmi, ulayɣar ad nahḍar fella-s, imi iɛedda akin i 1300 idinaren ! « D ttidett, izegza lakked d-igumma ur ɣlay-it ara aṭaṣ deg Ṛemḍan n-useggas-agi, maca aɣbel d-aksum yeɣlayen aṭaṣ! Ur s zmir-ɣ ara ! ». Akka iɣ-d yenna yiwen n Mas, bab n t’wacult. Leɣla-agi, yeddemir tiwaculin akken ad cuḥen-t i weksum, as-t-ini-ḍ akken d-uraɣ (l’or). Tilawin ggaren-t cwiṭ cwiṭ n weksum ar teccuyt, akken kan att-sɛu lbenna. Ɣas akken tamurt nneɣ d ttin izemren att-sekfu iman-is ɣef ayen yeɛnan aksum n myal nuɛ, imi tesɛa allalen (akal n teksawt, tadrimt, imeksawen,…) maca ur texdim ara taserṭit ar tanila-agi. D-ayagi yeǧǧan tamurt nneɣ t ttaɣ-d aksum yekunǧlin ɣer timura nniḍen. Yerna aksum-agi ur yesɛi ara lbenna laked lfayda i tezmart n yimsuddar (consommateurs). Akka ihi, aḍellaɛ n twaculin izedɣen deg Mcedallah « yesselqaf ». Ass n lɛid amecṭuḥ ahat ad yemmet, at nɣen iselsa n yigerdan !
Syphax.Y