Rfan imezdaɣ ɣef yir tudert

Partager

Aftis d yiwet n taddart i d yezgan azal n 4 n-ikilumiṭren ɣef uqerru n tɣiwant n Buǧlil deg wenẓul n lwilaya n Bgayet. Taddart-agi tesɛa aṭaṣ n lixṣaṣ, ayagi yeǧǧa imezdaɣ-is ad alin ar wexxam n-useqamu aɣerfan aɣelnaw akken at qeflen, imi nerna-n yigna deg tama-agi yenṭaren. Imezdaɣ ssuturen aman, iqudas usizdeg, iberdan, elgaz, lakked ttawailat i yilmeẓyen n taddart-agi. Mači d ttikelt-a tamezwarut i ɣelqen tiwwura n-useqamu n tɣiwant, imi yal tikelt imḍebren waɛden-ten ad frun akk timsal lakked d-iɣeblan yaɛnan tudert n yal ass deg taddart-agi, maca, ɣef akken wala-n imezdaɣ n weftis, liḥala tugi att-gerrez, d-acu t-ttuɣal kan ar deffir ! « Nukni ur-d neḍlib ara lmuḥal i yimḍebren n tɣiwant. Aman, iqudas usizdeg, lintirnat i warraw nneɣ, iberdan lakked d lgaz! Mači d-agur isen-d neḍleb! ».I d t-yenna yiwen umezdaɣ n weftis. Taddart-agi xuṣen-tt aṭaṣṣ n tɣawsiwin. Yella aken yiwen n-usenfar n taḍeblit (antenne administratiγe) yebda ɣurres kra n sin isegagsen. Ar ass-a mazal-it ur yekfi ara. Lecɣal dinna ḥebsen ttuɣalen, ayagi yeǧǧa imezdaɣ rfan aṭaṣ. Ma dayen yaɛnan ilmeẓyen, wigi ur ufin ara iman-nsen deg taddart-agi. Ur sɛin annar iwakken ad xedmen addal isen iɛeǧben. Ur yelli lxiḍ n tilifun akken ad xedmen ixxamen n linternet. Zgan qiment « yessruɣuy-iten » yiṭij n-uebdu! « A sidi, nukni ur ngerrez ara ! Aqla-ɣ newḥel. Lxedma ur tufi-ḍ, addal ulac ttawil, ulac linternet, ulac anda an sɛeddi akud deg taddart nneɣ. Ayagi itt-ḥettim-aɣ akken an ruḥ ɣer Ginduz neɣ ɣer Tazmalt akken an cceḍ deg linternet! ».yenna-d yiwen yilemẓi n weftis. Akka ihi, imezdaɣ n weftis ssuturen deg imḍebren n tɣiwant n buǧlil akken ad rren lwelha ar ɣursen, akken asen-d afen tifrat i yiɣeblan

n taddart nsen.

Syphax.Y

Partager