Di tagara n duṛt yezrin, kren azal n tesɛa n iḥǧuǧa n tmes deg temnaḍin yemxallafen n lwilaya n Tizi Wezzu. Times-agi d tin d-yeglan s lexṣaṛa meqṛen deg tẓegwa, iṛeqyab, tizemrin d isekla yemxalafen. Ula d ixxamen, lamer mači d imdanen i yefkan afus n tallelt i yɣallen n usellek ixedmen yak ayen umu zemren akken ad sexsin times inedhen di lexla, tili imdanen ad d-afen yak iman-nsen di beṛṛa. ɣef laḥsab n srabes usellek, azal n 250 (ha) d 1700 n tzemrin i yuɣalen d iɣden ger wass-nni n laṛebɛa d lexmis. Times meqren tekker deg taddert umu qaṛen tagemmunt Uqerquc, ittekkin ɣer At Douala, ɣer wenẓul n temdint n Tizi Wezzu. Tekker ass-nni n laṛebɛa, tkemmel tesɣuɣud ara almi d azekka-nni mi s fkan dḥis iɣallen n usellek di imezdaɣ d-igren iman-nsen ad ten-ɛawnen. ɣef teɣzi n ssin n wussa, ḥedqen 210 (ha) n ubucic, iderna d lacba. Azal n 1000 d tazemmurt daɣen i yettwaṛɣan. Lɣella n uzemmur ixuṣṣen mači d kra iseggasen-agi iɛeddan deg tuddar yemxallafen n tmurt n leqbayel, ad tkemmel aseggas-a. Tiwaculin umu ṛɣan-t tzemrin bdansi tura acetki ɣef tyita-agi i ten-yuɣen. Buzgen, d-yezgan ɣer umalu n temdint n Tizi Wezzu ur tt-tezgil ara temsalt. Times tekker deg tama umu qaṛen azaɣaṛ anda tesseḥdeq azal n 20 d tazemmurt, mebɣiṛ ayen nniḍen. Deg Draɛ n Lmizan, times tesseṛɣ yiwen n ugeṭṭaṛ yesɛan asaɣuṛ, isekla n ubucic, d yemɣan nniḍen iḥeḍmen deg Sanana. Matqa, At Yaḥya, Tirmitin, ula d nutenti, tekker deg-sen-t tmes d iglan s lexṣaṛa deg ugama. Anerni n tseddaṛin n lḥamu, tid yettezgalen, deg waṭas n tikwal 40°c, ger sebbat n tnekra n tmes deg tẓegwa. Imezdaɣ d imesberdan, si tama-nsen, ur ttḥadaren ara akken ur d-ttilin-t ara twaɣiyin am tigi ittaken tiyita qessiḥen i wgama.
T.Z