Anekcum ar uɣerbaz deg tɣiwant n Iɣil Ɛli (93 ikilumitren ɣef B’gayet) igellu-d yal aseggas s yiɣublan imaynuten, i rennu-n ɣer yeqburen! Mači d yiwen ar ad nebder, maca iɣublan imuqranen cudden ɣef: Asiweḍ, učči ( Les demis-pensions), lixṣaṣ n yiselmaden, leɣla n leqlul n leqraya lakked d wiyaḍ. Ayagi yettaǧa inelmaden ur qqaren ara akken ilaq. Ma nebda s wagnu n usiweḍ, wagi yella d-aqbur, mači d-amaynut. Tuddar yella-n deg tɣiwant-agi, nḥafen-t aṭaṣ s lixṣaṣ n-uṣiweḍ. Ɣas akken llan lkiran yettawi-n inelmaden, maca xuṣen kra. Ayen yaɛnan učči, llan kra n yiɣerbazen ur sɛin ara la cantine. Am aɣerbaz alemmas id yezgan deg uqerru n tɣiwant n Iɣil Ɛli. Inelmaden deg ɣerbaz-agi ur tetten ara imekli akken ilaq. « Katen » elqut aṣemmaḍ. Llan wid i d yettawi-n aɣrum n yixxamen nsen, ma d wiyaḍ ttaɣen-d deg tiḥuna d-ac ar ad ččen ! Tagrest t-ttqerrib-d agnu-agi ad izad ɣef inelmaden-agi, imi iḥetem-iten lḥal ad ččen učči aṣemmaḍ ! Lixṣaṣ n yiselmaden yettili myal aseggas. Ama d wid n tefransist, neɣ n-ugama, aɣbel-agi ar ass-a uryesɛi tifrat-ines. Inelmaden ttɣimin kra n smanat mebla iselmaden, ayagi yuɛer iwakken ad kfu-n ahil n leqraya nsen. Deg tama nniḍen, aɣerbaz alemmas n Ben Badis, yella-n deg Iɣil Ɛli, akken i nesla, ur yesɛi ara anemhal ! « Aɣerbaz-agi i leḥḥu mebla anemhal ! Mači ttawaɣit tagi ? » ɣef akken iɣ-d yenna yiwen n bab n yiwen unelmad yeqqaren deg ɣerbaz-agi. Akka, teẓra-m igna neɣ « elɣarqa » anda i llan iɣerbazen n tɣiwant n Iɣil Ɛli. Ad nernu tayeḍ: Llan kra n yiɣerbazen deg tɣiwant-agi tiwwura nsen rran-t acḥal n yisegagsen aya. Aṭaṣ n tuddar n tama-agi « yewet-iten-t » wugur-agi, imi xuṣen inelmaden ar yeɣren deg llakulat-agi n « wanziwen »! Ama deg taddart n Taẓla, neɣ Illugan,Tabuɛnant, d wat Sraj, llakulat yella-n din akk ɣelqen-t iwwura nsen, acku ulac inelamden, neɣ drus-it. Wigi ttruḥu-n qqaren deg Iɣil Ɛli. Am inelmaden n tadadrt n Tabuɛnant yeqqaren deg Iɣil Ɛli, ɣas akken sɛan aɣerbaz, d-acu kan yeqfel. Lukan ad nebder iɣublan yella-n deg tɣiwant-agi n Iɣil Ɛli ur n ttfak ara. Ihi, cwiṭ kan iwakken ur i tezzi ara laɛqel nwen !
Syphax.Y