Seg zik n zik qqaren « Bɣiɣ ad d iniɣ” gar lebɣi d tikta yerwin, bɣiɣ ad d iniɣ! D acu ara ad iniɣ? ɣef acu ara ad iniɣ, tikta rwint deg wallaɣ “xerbent ḥeḍment” d amḥezwi anita ara d yezwiren ad teffeɣ, amgeḥez, d wemrubbrz.teḍra am ubuḍ yergel lewsex , tagnitt teglugel deg ayen id wwin wussan d iseggasen yemmeẓden s tezleg. Ibedd s iɣimi ɣas akken nettɣil taɛeǧǧaǧt n ubeddel ad aɣ tbeddel nekkni yugin ad nbeddel, tafsut mi yeqqur yifer, tin id yettmudun ccerhwa am lexrif, terra-d lḥir i wid ffɣent tissas, sya usya teggar-d , wa yettgalla, wa yettreggim, wa yettreqqim wa yettdeqqim…tagara kra din yuɣal am aḍu yessuzfen aclim. Yeqqim-d win akken ibedden s iɣimi win ɣef igullen widen yeqqimen s ibeddi. Iqerray wwḍen ɣar lḥiḍ, yiwen ufus ur yettserfiq, widen akken yemɣunzan d iseggsen aya uɣalen mmrebban tasa , tlul-d tegmatt, yerwa n amenṭer deg yiberdan ass-n akken tettnadi fell-asen ur d temmuger yiwen, nutni reglen fell-as ur tt bɣin ara, ass-ammyegren irebbi ayen id mɛuqen iḍelli irira, id mmyerran , ɛelqenten d izurar ɣef imegraḍ-nnsen , yall yiwen am akken yessen wayeḍ, tura nutni ibedden ma yella ur dduklen win akken ibedden s iɣimi ur d ttɣimi. Ur tt ffrin d yiman-nnsen ma yella gullen walan ad ḥenten, ma yella ssusmen ẓran ad mmten, ma yella suɣen-d ulac win ara ad asen-d yerren awal, ulac win ara ad asen-d yeslen, yenna umeyaz iruḥen d asfel ass-n akken i tenfel “ ass-a amdan testeqsaḍ ad tafeḍ ẓẓay d aṣemmaḍ, ur d ǧǧin deg-s wiyaḍ dayen yeḥdem laman yeffeɣ-it” d iseggasen aya win iɣefflen , yuki, aderɣal yuɣal it-id yeẓri , aɛezzug isell, ass-n i yuɣal uɛebbuḍ s allaɣ imdanen akk ttganin aniwa ara ad asen-d imudden, deg yimi i ken ẓran tezwarem tɛebba-m, imeslayen nnwen ur tekksen ara llaẓ, llaẓ ur d isɣamay ara win akken i tesbeddem s iqimi ass-n akken iken yeɣseb llaẓ s kunwi ay at wid yeqqimen s ibeddi. Aniwa deg wen ur neddi, ur neggul abrid –a ad ttbeddel, tidderɣelt nnwen tessaweḍ alammi I tesderɣel tidderɛelt n wid yedreɣlen alammi I ten-id yuɣalyeẓri.imenza iɛeqlen d kunwi I ten yessamnen s tidderɣelt-is, ass-n i d as tfaqem belli ifaq-awen, tebɣam ad d slaem deg-s tidderwect ad yuɣal ur yettwaṭṭaf, tiyitwin deg-s ara ttrussunt, ma yella d lfayda ad as tessendim ifassen, akken I tellam ass-n I ken yessuli, seg ass-n tuli-m ur d tseqsam fell-as, teǧǧamt i tegnitt ad turar yes-s am teɣlalt s kud tettalim yettimẓi gar wallen-nnwen s kud tettaẓem deg rbḥ, tkerhem ad t-id mmektim, yall abrid deg ara d inazɛ ad t-sɛuzgem iman-nnwen , acku d imeḍqan nnwen I yellan deg lḥiz, win I d innan tidett ad d yeqqen aɣyul.imir wagi akka yeqqimen s ibeddi d kunwi I ttirkizin-ines, d kunwi akken yenna win “cebḥen-d I sibus rran-aɣ-t-id d izem” ur twalam ara belli netta ibedden s iɣimi yiff-iken kunwi yeqqimen s ibeddi, acku d kunwi i as igan ifadden ur nɛeyyu, ias yerran azal d yisem d imsellek n wegdud ttmurt, widen ikenyesdukklen ass-a ad as ten t kksem.seg zik n zik qqaren” ifut-ik lefjer ay amɣar, win yezwaren miḥlal, neɣini-t kan win ifut wawal ad as yini ssliɣ, win tfut tgella ad as yini ččiɣ” dayen akken tzerɛem iḍelli, ala d tmegrem ass-a. a win ibedden s iɣimi neɣ yeqqimen s ibeddi ɣar yiwen wexxam iqeṭṭun, ɣar yiwet n teccuyt i tt seqqin , am lelwaḥ n wexxam deg ass ad temyexẓaren ad as t iniḍ d iḍawen imi d yewweḍ yiḍ ad mlilen ad uɣalen d atmaten ttuɣalen d yiwen d tawwut yettarran lebla. Maca lada imi d sawalen , d nutni id tesfuḥ, ma yella ur beddlen ara win yeqqimen s ibeddi ad iṣubb win ibedden s iɣimi ad d iṣubb, win ur nebdid ur neqqim ad d yeqqim imir ad as nini i lada kemm ur ttusemmaḍ d lada , ayen yellan iban agdud i d aḥkim yebded ur yeqqim tissas ugarent aleqqim Tiddukla ma yettwagerrz a llqim lada tusa-d neɣ teqqim a win ibedden s iɣimi ur d yettɣim, win yeqqimen s ibeddi , ud yettɣim tiddukla ma yettwagerez as llmqin lada tas-d neɣ teqqim
Akli Outamazirt