Anwa i d-yennan ur cliggen ara yimawlan n yinelmaden deg tmaziγt ? Ayen yeḍran deg uγerbaz amenzu n Taddart n Tala Athmane, yettbeggin-d ayen-nniḍen. Mebεed mi yeqqim uγerbaz-a aggur mebla aselemad n tmaziγt, kkren-d akk yimawlan n yinelmaden la ttcetkin i yal imḍebber, uqbel ad εeddin γer wayen-nniḍen deg wussan i d-iteddun ma ulac tifrat i wugur-a. Γef wanect-a, dγa, i d aγ-d-yemmeslay uselway n tiddukla n yimawlan n yinelmaden, Mass Mustapha Oukacha :’’seg wasmi i yuγalen warrac s aγerbaz, ur γrin tamaziγt : ulac aselmad ar ass-a. Xas ulamma ncetka acḥal n tikal i unemhal n uγerbaz-a akked umaswaḍ n tama-agi, meεna ur yelli d acu i ibeddlen. Daymi, ihi, i nruḥ γer unemhal n leqraya n lwilaya newwi-s tabrat. Nesaram ad yefru tamsalt s leεjel uqbel ad nεeddi γer wayen-nniḍen.’’
‘’Aṭas n yiselmaden n tmaziγt i iḍelben amekkan-a, acu kan ar tura ur yelli win i d-ceyyεen.’’ Akka i aγ-d-tenna yiwet n tselmaden n taddart-a.
Hocine.M