Ass-nni n lexmis, tuget n yinelmaden n tesnawit n Yimeɣrasen n Bujlil ur kcimen ara ad ɣren si 8 ar 10 n ssbeḥ. Aya, yella imi bɣan ad begnen lɣiḍ-nsen ɣef ubeddel i d-yellan di swayeε n leqraya. Arrac ur d-tteffɣen seg uɣerbaz almi d 5 d uzgen n tmeddit. Iwakken ad d-nesmekti, rray-agi d amaynut, drus ayagi kan i teddem tneɣlaft n ttrebga imi d-yella ubeddel n wussan n usgunfu deg ddurt.
Mi nesteqsa inelmaden ɣef sseba n uḥebbus-nsen, nnan-d : “ur nezmir ara ad neqqim almi d 5 n tmeddit di tneɣrit, d ussan n ccetwa i d-iteddun, wezzilit wussan ma d ixxamen-nneɣ beεden, ur nettaweḍ alma inessef yiḍ.” D tidet, inelmaden n tesnawit n Bujlil, ttasen-d di tamiwin ibeεden seg Bni-Mensur, seg Tala-n-lbir, ma d allalen n usiweḍ ḥebbsen zik. “Aqcic ma iεeṭṭel berra aken yebɣu yili lḥal d argaz i yella, i teḥdayt amek ? Aql-aɣ deg yiwen n lweqt yexser mliḥ”, i d-yenna yiwen n ubabat i nesteqsa.
B. Benhamouche