I lmend n wass agraγlan n uselmad, thegga-d tenmehla n leqraya n lwilaya n Tizi Uzzu yiwet n tejmilt i kter n 300 n yiselmaden i yeffγen lintrit aseggas-a. Timlilit tella-d deg uxxam n unezgum Kateb Yacine ass-nni n lexmis 30 di tuber iεeddan anda ḥedren yimḍebren n lwilya akken ma llan. Anemhal ajdid n leqraya n Tizi Uzzu yesnemmer aṭas iselmaden-agi γef wayen i d-fkan n tmussniwin d wayen εetben di lxedma-nsen. Di taggara, tella-d tukci n tnaga n yiseγ akked warraz i yal aselmad. Timlilit tekfa s tmeγra sγur inelmaden n uγerbaz alemmas Mulud Ferεun.
Hocine.M