Deg yiwen n wulγu i d-ssufγen yiselmaden n tmaziγt n lwilaya n Tizi Uzzu yennejmaεen ass-nni n 28 deg tuber akked sandika CPAPEST-E, nnan-d d akken ad ḥebsen γef lxedma ass 12 deg unbir 2014 u ad d-tili yiwet n temlilt d ibeddi sdat n tmehla n leqraya n lwilaya n Tizi Uzzu, ass-nni dγa. Σlaḥsab n yiselmaden-a, ad d-yili wanect-a imi timlilit i d-yellan gar sandika CNAPEST akked unemhal n leqraya n lwilaya n Tizi Uzzu ur d-tegli ara s ujdid xas ulamma iṛeggem-asen yimḍebber n leqraya i wakken ad yefru kra n temsal i t-yeεnan meεna deg unnar ur yelli wacu yeḍran. ‘’Yewεed-aneγ unemhal n leqraya d akken s kra n uεewwiq i d-xelqen yinemhalen n tesnawiyin, ad t-kksen u bab-is ad yettwaḥaseb fell-as. Llant temsal i t-yeεnan netta, am wakken llant temsal-nniḍen i d-yenna zgant-d nnig-i, ladγa ‘’Tamaziγt d tutlayt tunṣibt’’, neγ aḥettem n uselmed-is. Meεna, ar tura d awal kan, ur yelli kra yellan. ’’ Akka i aγ-d-yenna yiwen gar wid iḥeḍren timlit-a. Liḥala n uselmed di tesnawiyin n lwilaya n Tizi Uzzu mačči d tin yessefraḥen. Aṭas n wuguren i d-ttmagaren yiselmaden n tmaziγt seg useggas n 1995 ar tura. Amur ameqqran n yiεewwiqen-a xelqen-ten-id yinemhalen n yiγerbazen ladγa anda llan yiselmaden ijdiden. Ayen yessawhamen, di&gamma,; d akken uguren-a llan kan di tudrin d temdinin-nniḍen ulac-iten di temdint n Tizi Uzzu anda amur ameqqran n yinelmaden ttmeslayen taεrabt !
Hocine. M