Yiwen n urgaz n tmurt n Suεudiya yebra i tmeṭṭut-nni ara yaγ ass-nni mi d-tedda d tislit. Γef wakken i d-yenna yiwen uγmis n tmurt-a d akken argaz-a werğin yessin tameṭṭut-a, leεmer i tt-iwala. Ihi, ass-nni n tmeγra mi iruḥ ad as-yekkes acebbeḥ-is neγ aγummu-ines i wakken ad xedmen teṣwirat am leεwad, yedhec deg wayen iwala, yenna-as :’’mačči d kemm i d taqcict ukked bγiγ ad zewğe&gamma,; mačči d kemm i d-xemmeγ deg wallaγ-iw. Ihi, smaḥ, smaḥ kan, aql-i briγ-am.’’ Tislit meskint teṭṭerḍeq d imeṭṭi sdat akk yinebgawen. Aṭas deg-sen iwumi ur εğiben ara lecγal am wigi, nnan-as-t γer wudem-is. Meεna ayen yeḍran, yeḍra. Ha-t-an ihi, yeṭṭef-iten wayen ay d-snulfan. Imi tḥettimen lximer γef tmeṭṭut, ilaq ad qeblen ayen yellan daxel-is : ‘’am Loto, ḥukk, terbeḥ’’. Yerna imdanen am wigi ad ak-d-inin anda yella ṣwab d lmeεqul ; ad ak-d-ssenzen taγerma-nsen i wakken ad tettuḍ leεwayed-ik. Akken i as-yenna winna :’’ad awen-neggal s tewrirt n Musa, nekni mačči akka ay nga.’’
Hocine.M