Ilmend usmekti n umuli wis 42 γef tmettant lkulunel Muḥend welḥağ, iwmi sawalen « Amγar » di tallit-nni n tegrewla, i yellan d imḍeber n lwilaya tis 03 tamazrayt i tewi tmettant ass n 02 deg aggur n ujamvar aseggas n 1972, tasqamut n waggur azeggaγ azzayri n temnaḍt n Wizgan smektan-d tamesbanit-agi tamazrayt, anda is-rran tajmilt meqren. Dγa ma yella ngger tamawt γer s deffir, ad-nnaf dakken aggur azeggaγ azzayri illul-d ass n 20 yulyu 1962 s ddaw laεnaya n lkulunel Muḥend Welḥağ. Γef aya rran ad-suffγen yiwet n tarbeεt n yemselken tis 30 idegi llan 20 yemdanen ger yelmeẓyen d telmeẓyin, i yewwin isem n Si Muḥend saεid Akli mmi-s n lkulunel Muḥend Welḥağ, imi d yiwen wemdan i yettaken afus n tallelt meqren i waggur azeggaγ azzayri. Leqdic yesdurit-id wexxam n yedles Ferrat Remḍan n tγiwant n Wizgan, s laḥdur n yemḍebren d srabes yemgaraden n tγiwant n Wizgan, syen tekfa s tikci n warazen d igardasen n usebγes i tarbeεt-agi n yemselken.
Islam Bessaci