Mebεed ‘’alγem-nni i d-zuγren sin’’ di Tizi Uzzu, ussan-agi ineggura d Baba Noël i d-yewwin ajḥiḥ-is, iεedda-d syin, dγa yeqqim din. Acu kan imawlan n ulγem-nni ḥeznen, ssuturen, ma d bab n ujḥiḥ-nni yeṣṣeḍṣay imdanen : yexleq-d anecreḥ d uṣeḍsu γer warrac imecṭaḥ akked yimawlan-nsen.
I lmend n tmeγriwin n taggara n useggas, kkren sin yilmeẓyen, Tayeb Mourad akked Nadour Hakim, wwin-d ajḥiḥ akked tcaṛiṭ-is γer temdint n Tizi Uzzu. Cebbḥen-t-id akken ilaq. Yiwen deg-sen yelsa-d llebsa am Père Noël wayeḍ yettṣewir s yidrimen arrac imecṭaḥ i irekben ajḥiḥ-nni. Din din ad d-teffeγ teṣwira-nni. Γer tama-nsen, wayeḍ yesnuzu ‘’la barbe à papa’’. Akka acḥal d aseggas.
‘’Papa Noël di Tizi Uzzu d idrimen i yettawi mačči d arrazen i d-yettawi !’’ Akka i aγ-d-yenna Massi.
Hocine.M