Yelli-s n wedrar εlayen Fadhma Aït Idir, d tilemẓit n 23 n yiseggasen di laεmer-is n temnaḍt n Σin el Ḥemmam, d tanelmadt di tsedawit n Lmulud At-mεemmar n Tizi-Wezzu deg seggas wis ssin (mathématiques), n temna
tufrar-d d tucbiḥt n teqbayliyin n useggas-a 2015, deg umzizwar id-tesduri tzeqqa meqqren n leqdicat n wexxam n yedles n Lmulud n At-Mεemmar n Tizi-Wezzu
Taẓrigt tis 10 n miss kabyle useggas 2015, tella-d s lemεawna n tmahla n yedles n lwilaya n Tizi-Wezzu akked uγarbaz n usensu « Jardin Secret »
Tafaska-agi tettili-d yal aseggas, ass n 12 n Yennayer, ixef n useggas n yimaziγen.12 n teḥdayin i d-yufraren ger 48 id-yusan deg yal tamnaḍt n tmurt n leqbayel, Bgayet, Tizi-Wezzu. Imḍebbren n Miss Kabylie i fernen ass n Yennayer i wakken ad gen tameɣra ideg ara tettwafren teqcict i ifazen di thuski (ṣṣifa), deg tikil d wadduy. Yella-d daɣen ccerṭ amaynut i d-yeqqaren tiḥdayin yebγan ad-ttekint deg tfaska, ilaq ad isinent ad mmeslayent taqbaylit akken iwata, rnu γef waya ilaq ad-tesεu aswir yelhan deg ulmud (un bon niveau d’études), i wesebγes n tutlayt tamaziγt. . Ad d-nesmekti belli llala-s n tullas n useggas 2014, d Hamel Damia. Deg tfaska n useggas-a, ḍefrent-d deg wemḍid wis sin, tamsiwt Numidya d yiwet n tlemẓit n temnaḍt n Σin El Ḥemmam, ma yella d amḍiq wis krad tḥarit-id temsiwt Tassaεdit n Wizgan i yesεan 18 n yiseggasen di laεmer-is. Tazrigt tis 10 n Lalla-s n tullas (Miss Djurdjura) useggas 2015 tεedda di tegnatin igarzen aṭas, anda iḥedren deqs n yemdanen d yemḍebren.
Islam Bessaci