Ɣas akken tamuɣli ar ɣur-s d tin i neqsen kra, tameṭṭut n rrif, neɣ tin yettɣimin deg wexxam, tesɛa azal muqren deg t’metti nneɣ. Acku tettrebbi dderya, t sewway, tessirid iceṭiḍen, ma wezzil wawal: Tqeddec kan deg wexxam, maca ayen i txedem i t’metti muqer dayen kan. D acu kan, tilawin yettɣimin deg wexxam, sɛan-t ciṭ n tismin ɣer tlawin i xedmen, ama deg t’kubaniyin neɣ deg iɣerbazen, acku tineggura-agi ttawin-t ed tadrimt, xedmen-t akken id asen-t yahwa ! Ula d-irgazren nesn-t « ẓuɣuren-ten deg meẓẓuɣen! ». Aḥlil ! Ihi, tilawin-agi n rrif, yagi tid ur nekcim ara yiwen wass ɣer uɣerbaz, neɣ ɣran-t kan kra n yiseggasen, kkaten-t ad lemden-t kra n lḥirfat, akken ad fɣen-t. Tagi ttamezwarut, daɣen ad « xedmen-t » deg yixxamen nsen-t am nutenti am t’lawin i xedmen deg berra. Ihi, dagi deg temdint n Tazmalt (85 ikilumiṭren ɣef Bgayet, tamanaɣt n lwilaya) tella akken yiwwet n tiddukla imuwi ssawalen « Tiɣr n t’meṭṭut ». Tiddukla-agi teǧhed dayen kan, tekkat s tezmart-is ɣef izerfan n t’lawin yettɣimin deg wexxam. « Tiɣri n t’meṭṭut » tekkat akken atterreẓ asalu n lɛeqliya taqburt id yeqaren belli tameṭṭut ad tili deg wexxam kan! D acu ur texdim ara tiddukla-agi akken ad beggen udem n t’meṭṭut i zedɣen « lḥabs » n wexxam-is? « Tiɣri n t’meṭṭut » tluled iseggasen-agi kan ineggura. Iswi ines :attewet ɣef izerfan n t’meṭṭut n wexxam, neɣ tameṭṭut n rrif s wudem amatu. Yal aseggas teggar-ed tiɣri i t’lawin akken ad ruḥen-t ɣer wexxam n t’ddukla-agi iwakken ad ɣren-t yerna ad lemden-t lḥirfat. Akka, i lmend n-useggas amaynut n 2015, tiddukla « Tiɣri n t’meṭṭut » tessiwled i t’lawin n tama-agi n Tazmalt, akken ad ruḥen-t ar wexxam n t’dukkla-agi id yezgan deg « le CSP », iwakken ad markin-t ad xedmen-t tannanin (stages). Deg umuɣ n-usileɣ (La liste de formations) llan-t lḥirfat-agi: Lgaṭu d lḥelwa, laxyaḍa lakked uṭareẓ, tuččit taqburt (plats traditionnels), aṣeṭṭel n lxalat akk d tt’furmaṭikt (l’informatique). Tiɣri id ger tiddukla attan tewweḍ ɣer waṭaṣ n yixxamen deg Tazmalt lakked ttudar is-ed yezzin. Aṭaṣ n t’lawin d ttlemẓiyin bɣan-t ad lemden-t kra n lḥirfat akken ad ɛiwnen-t iwaculin nsen-t, yagi imi laɣla yiwweḍ ɣer yigenni ! Deg yizri iqarben, aṭaṣ n t’lawin yellin akka tiḥuna akken ad zenzen-t ama d lgaṭu, neɣ tiqendyar. Akka, ula d tameṭṭut n wexxam tesɛa azal-is tura. Anwa id yennan mgal waya ?
Syphax.Y