Ussan εeddan urwen-d wiyaḍ, almi mden 05 iseggasen γef tmettant n yiwen wejjgu ger yejjga n ccna n teqbaylit, deg ass n Ssebt 13 furar 2010, texsi teftilt i d-yefkan tafat d cbaḥa i tayri, yemmut ujeğğig di tebḥirt n tẓuri taqbaylit swayes i zzuzunen wulawen n wid yuḍnen, wagi d-acennay-nneγ ṚaḤim. ṚaḤim yeḥbes wulis i tyita deg-wul n temurt n Leqbayel, i tlemast n temdint n Tizi-Wezzu, yesεa 47 issegasen di laεmer-is. Tamḍelt-is tella-d ass n 15 furar 2010 di taddert-is Imqecren, tamnaḍt n At Σissa Mimun (At-Wagnun, Tizi-Wezzu).
Dγa ilmend n umuli wis 05 γef tmettant n ucennay Raḥim, tamahla n yedles n lwilaya n Tizi-Wezzu d wexxam n yedles n Lmulud n At-Mεemmar s lemεawna n twacult n Raḥim sudsen-d yiwet n tejmilt meqren ddurt-agi yezrin ussan n 12 d 13 furar deg wexxam n yedles n Lmulud n At-Mεemmar s yiwen n wahil d amesbaγur anda llant temzikniyin yemgaraden n ttsawar d yeγmisen id-imeslayen γef tudert d umecwar n unaẓur. Akken id tella tirza γer uẓekka n Raḥim di tmeqbert n tadert-is Imkecherene, di tγiwant n Ait Aissa Mimoun (Ouagnoun).
Syen tella-d yiwet n temlilit tinigit meqqren sγur tawacult n unaẓur akked yemddukal-is ass n 13 furar tamedit, syen tekfa s yiwet n tmeγra n ccna ideg ccnan deqs n yinaẓuren.
Issem-is aḥeqqani Raḥim Mohammed, ilul ass n 07 dujember 1963 deg irebbi n tmurt n leqbayel, taddert n Imqecren, Raḥim mucaε yur yemdanen s tezlit-is mucaεen nezzah “Yya-d ad m-iniɣ, yecnatt ukud d Yasmina. Ass n tmettant n ucennay Raḥim, isalli yeγli-d am siεqa γef yedanen acku d axalaf meẓẓiyen i yemuten, maca ayen yexdem ad-yeqqim ilebda.
Islam Bessaci