Tizemrin i-d ǧǧan lejdud yewwiten-t umencar n Cinwa! Aṣenfar n ubrid ar ay cudden Bgayet d Ɛǧiba deg twilayt n Tubirett, ad iɛeddi ɣef wakal n t’ɣiwant n’At Ṛẓin, id yezgan azal n 85 ikilumiṭren ɣef uqerru n twilayt n Bgayet. Asenfar-agi amuqran, yewwi azal n 15 ikilumiṭren (deg tuɣzi) n yiḥarqan deg tama-agi. Tikubaniyin yedduklen (Sapta n Leẓẓayer d Crcc n Cinwa) tt-heggin-t anar i ubrid-agi, akken yesɛan ajerrid i « dahmen » s yiḥarqan n kra n yimezdaɣ deg t’ɣiwant-agi n tama n’At Ɛebbas. Ɣas akken qeblen akken abrid ad iɛeddi, ibabaten n yiḥarqan-agi begnen-d taggara-agi, lɣiḍ nsen mgal ixeddamen n Cinwa yegren, ussan-agi kan, ɣef iḥarqan nsen akken ad gezmen aṭaṣ n tizemrin, am akken ḥaren melmi ad ikfu uṣenfar-agi. Ayagi ur yaɛǧib ara dayen kan ibabaten n yiḥarqan, yagi as mi-i-ẓran « At uglim awraɣ » (Cinwa) geẓmen tizemrin yenzan s kra n 4 imelyan i yiwwet. Imezdaɣ rfan, imi « Cnawa » ur ten ǧǧin ara ad kemlen alqaḍ uzemmur, akken i msefhamen deg tazwara, ɣas akken tizemrin nni nzan-t. « Gezmen tizemrin zdat nneɣ, nukni ur ɛad ur nekfi aleqaḍ uzemmur. Tizemrin-agi ǧǧan-t-ten id lejdud d-agerruj. Ass-a, aten-t ad twaɣeḍlen-t. Mači dayen yessefraḥen. Ula d ssuma iɣ-d fkan drus-itt. Kra n ukuẓ imelyan i yiwwet n t’zemmurt (40 000 da l’olivier indemnisé!). Ayagi mači d-azal n tidett. Tizemrin-agi, taneggarut degsen-t tesɛa nnig n lqarn, sɛan nnig n 4 lmitrat deg ṭul. Yusad yiwen ar dagi, d-amusnaw n t’fellaḥt, yaḥseb laɛmer n yiwwet n t’zemmurt yettuɣeḍlen, yufa lɛamr-is azal n 230 iseggasen ! Qrib sin n leqrun d wezgen.Tazemmurt-agi, tella mazal tettaked azemmur, fkan-aɣ-d dges 4 imelyan ?! D-awezɣi ! » akka i yerfa yiwen n bab waḥriq n Iciqar, yiwwet n taddart deg t’ɣiwant n’At Ṛẓin. Ṛuḥemt a tizemrin n lejdud ruḥemt !
Syphax.Y