D-ass n yimaɛḍar. Yal ass n 14 Maɣreṣ, imaɛḍar n-umaḍal akken ma llan, tekkat-d tafat ɣer ɣurṣen akken ad banen i medden. Maca, azekka nni kan, attexsi tafat, ad ttwattu-n. D ttagi id liḥala n yimaɛḍar… Am tiddukla yecban tiyaḍ, taddukli n yimaɛḍar n t’ɣiwant n yimceddalen terra tajmilt i yimdanen-agi ur nesɛi ara tazmart. D-acu kan, lfarḥ yusad yenqes, imi imaɛḍar-agi ttidiren deg yir liḥala, acku xuṣṣen-ten aṭaṣ n wallalen. Acḥal aya, tiddukla-agi n yimaɛḍar n-imceddalen tessutur deg medden akk d yimḍebren n t’ɣiwant akken ad gren iman nsen, neɣ ad awsen imaɣban-agi yaḥwaǧen aṭaṣ n t’ɣawsiwin. Ama d-iselsa, neɣ tikerrusin n yimaɛḍar, neɣ d ttadrimt, tiddukla ur teḥbis ara deg usuter. Tudert n yimdanen-agi tuɛar dayen kan. Aṭaṣ n wuguren id ttemlilin deg tudert n yal ass. Yuɛar-asen akken ad affen axeddim, acku irebbiten n t’kubaniyin ur ten-ssaxdamen ara, ɣas akken aṣaḍuf (la loi) tefka-yas-en azref akken ad xedmen ! Tamuɣli n t’metti nneɣ tugi att-beddel ɣer yimaɛḍar-agi, akken iten-ttwalin kra s yiwwet n t’muɣli am akken mači d-imdanen ! Ayɣer? « Ar ass-a, ur newwi izerfan nneɣ s-umata, ɣas akken amennuɣ i nexdem muqer! Mazal-aɣ akken deg yir liḥala, mazal imḍebren ur d rrin ara lwelha ɣurneɣ. D-acu-ten-t 4000 idinaren i wagur iɣ-d yezzuzur udabu acḥal iseggasen aya? Anwa bab neɣ tayemmatt n t’wacult i zemren ad yessider arraw-is s 4000 idinaren ? » akka id d-t-yenna yiwen n-umaɛḍur i zedɣen deg M’cedalla. D-acu kan, aḥun a rebbi llan-t tiddukla n yimaɛḍar deg yal taɣiwant yekkat-ent ɣef izerfan nsen, iten-yettɛiwinen ama s tedrimt, neɣ swayen nniḍen, wamma ad nṭaren dayen kan! Awin yufan, ass-agi n yimaɛḍar d ttagnitt akken medden akked d-udabu ad bedlen tamuɣli nsen ɣer yimdanen-agi yerwan lḥif, acku d-imdanen am wiyiḍ yuklalen izerfan nsen mebla lemziya n yiwwen !
Syphax Y.