Ddurt yezrin, imezdaɣ n yattafen i d-yezgan deg tɣiwant n Wat yanni , yettawin seg Ssuq Lḥed anida i d-ttemlilin At Uqbil d Yibudraren d Yattafen, ɣer taddart n Ait Saada d Ait Daoud Tazaghart d Derna, msefhamen yinehhaṛen, ad snernin seg 30 yidinaren ɣer 40 yidinaren ssuma n usiweḍ, kan akka mebla ma yella kra n uzref. Dɣa, ur qbilen yilmezyen n temnaḍt–agi rray-agi u sutren deg-sen i wakken ad d-fken kra n lkaɣeḍ i asen-isemḥen s usnerni-agi n ssuma. Bɣan ad walin ma yella kra n ulɣu i d-yeffɣen ɣef lmend n waya. Imi ulac ttbut, nnan-asen ad nruḥ, ad necetki fell-awen ɣer yijedermiyen. ‘’Ɣillen cceɛb akken i asen-yehwa ad uraren yid-sen, maca llan yilmezyen ur qbilen ara lbaṭel yecban wagi’’, i aɣ-d-nnan yiwen usdawan. Syin, kkren-d yakk la ttuɣun, yerna tamnaḍt-agi, tettidir lexsas meqqren ama d lgaz , aman neɣ trisiti d waṭas n wuguren-nniḍen. Xas ulamma yeqreb Ssuq Lḥed ɣer tudrin-agi, rnan di ssuma, wammag ɣer temdint n Tizi Uzzu, ttawin s100 yidinaren , ‘’d acu kan smenyafen ad ṣubben ɣer Lḥed, yella dinna wayen ḥwağen wala ad awḍen alamma d tamdint n Tizi Uzzu’’, i iwala umezdaɣ n tama-agi. Tudert deg temnaḍt –agi, ur teshil ara, abeɛda lawan-agi n tegrest.
Z. A. Y