Tacennayt Tafinlandit, Stina tesmekta-d ass n ttlata tameddit di Lezzayer agerruj n ccna n teqbaylit s ucewwiq-is d-yecnan akken iwata tizlatin n inaẓuṛen imeqṛanen n ccna n teqbaylit zdat n yemfeṛǧen yennecṛaḥen. Tameɣṛa, d-yellan di tzeqqa n Ṛadyu tazzayrit almend n tfaska turubit tis 16 d-yellan di Lezzayer, tewwi-d aṭaṣ n medden d-yusan ad slen i Stina sen-d-yecnan tuɣac mechuṛen, ayagi tesḍefr-it s ccḍaḥ n teqbaylit yettwasnen.Tkecm-d s ṛṛubba n teqbaylit, tacennayt, s taɣuct-is n Lupiṛa, tesmektay-d akken ilaq tacennayt tamyarutt Taos Amrouche, yettwasnen s icewwiqen-is n wansayen n temnaḍt n leqbayel i terra ɣer ccnawi n lupiṛa. Ḍeffṛen-tt-id yimaẓwanen-agi, Akli Remili d Chilla Hafid (amesdinen) Betbtoub Mohand (bassiste), Maouche Samir, Mermouri Ahmed (dderbuka), Stina tecna-d tizlatin n inaẓuṛen imeqṛanen n yedles amaziɣ, am Djamal Allam, Idir, Ait Menguelet neɣ ccix ameqṛan n Chaâbi El Hadj M’hamed El Anka ladɣa tizlatin yecna s teqbaylit. Ger wayen akk ay d-tecna, « Mi ara d-yuɣal, Tella » n Djamal Allam, « Amedyaz » n Lewnis Ait Menguelet, « Ay-a lxir inu » n unaẓuṛ Idir, akk d « Iẓṛi-w yeɣleb leḥmali » n El Hadj M’hamed El Anka, yules ucennay ameqṛan n Chaâbi n teqbaylit, Matoub Lounès. Am wakken ay d-tecna zdat n yemfeṛǧen tizlatin s tutlayt tafinlandit am « Valiaikainen » d « Malja ».
NSL(APS)